قاسىم-جومارت توقايەۆ جاقىن ارادا سايلاۋالدى تۇعىرناماسىن جاريالايدى
«جاقىن ارادا مەن سايلاۋالدى تۇعىرنامانى ۇسىنامىن، وندا ەلدى جان-جاقتى ترانسفورماتسيالاۋ، ازاماتتاردىڭ ءال-اۋقاتىن ارتتىرۋ جونىندەگى ءىس-شارالار كورىنىس تابادى. مەنىڭ نىق سەنىمىم بويىنشا، ءبىزدىڭ مەملەكەت وڭىرلىك جانە جاھاندىق قاۋىپسىزدىكتى قامتاماسىز ەتۋگە باعىتتالعان تەڭگەرىمدى، كوپ باعىتتى، سىندارلى سىرتقى ساياساتتى جۇزەگە اسىرۋى ءتيىس»، - دەدى مەملەكەت باسشىسى پرەزيدەنتتىككە قاسىم-جومارت توقايەۆتىڭ كانديداتۋراسىن قولداۋ جونىندەگى حالىقتىق كواليتسيانىڭ فورۋمىندا.
پرەزيدەنت قازاقستان حالىقارالىق قاتىناستارداعى تەڭدىك پەن دەموكراتيا قاعيداتتارىن، حالىقارالىق قۇقىق پەن ب ۇ ۇ جارعىسىن ۇدايى ساقتاۋدى جاقتايتىنىن باسا ايتتى.
«قازاقستان ب ۇ ۇ- نىڭ امبەباپ جانە بالاماسىز حالىقارالىق ۇيىم رەتىندەگى بەدەلىن نىعايتۋ ءۇشىن بەلسەندى كۇش-جىگەر جۇمسايتىن بولادى. ءبىز تاۋەلسىز مەملەكەتتەر دوستاستىعى، شاڭحاي ىنتىماقتاستىق ۇيىمى، ەۋروپاداعى قاۋىپسىزدىك جانە ىنتىماقتاستىق ۇيىمى، تۇركى مەملەكەتتەرى ۇيىمى جانە باسقا دا حالىقارالىق ۇيىمدارمەن ىنتىماقتاساتىن بولامىز، سونداي-اق ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ الەۋەتىن نىعايتامىز»، - دەدى قاسىم-جومارت توقايەۆ.
