وزبەكستاندا شىمكەنتتىڭ تۋريستىك مۇمكىندىكتەرى تانىستىرىلدى

تاشكەنت. قازاقپارات - وزبەكستاندا شىمكەنتتىڭ تۋريستىك مۇمكىندىكتەرىن تانىستىراتىن روۋد- شوۋ باستالدى، دەپ حابارلايدى قازاقپارات ءتىلشىسى.

شىمكەنت قالاسى اكىمدىگىنىڭ تۋريزمدى دامىتۋ ءبولىمىنىڭ باسشىسى ازامات نۇرىمبەتوۆ شارا قوناقتارىنا بۇگىنگى تاڭدا ۇلى جىبەك جولىنىڭ تورابىندا ورنالاسقان كونە قالانىڭ تۋريستىك- ينۆەستيتسيالىق الەۋەتىنىڭ تۇساۋكەسەرىن ۇسىندى. قوناقتار مەن تۇرعىندار ءۇشىن قولايلى جاعدايى بار تارتىمدى مەگاپوليستىڭ تابيعي لاندشافتى، گەوگرافيالىق ەرەكشەلىكتەرى، مادەني مۇراسى تۋرالى ايتىلدى.

«شىمكەنت قالاسىنىڭ تۋريزم جانە سىرتقى بايلانىستار باسقارماسى ۇيىمداستىرعان روۋد- شوۋ الدىمەن تاشكەنتتە بولدى. بۇگىن وزبەكستان استاناسىنداعى تۋريزم سالاسىنىڭ ماماندارىمەن كەزدەسۋ ءوتتى. كەزدەسۋ باعدارلاماسىندا شىمكەنت قالاسىنىڭ تۋريستىك مۇمكىندىكتەرى، جۇزەگە اسىرىلىپ جاتقان ينۆەستيسيالىق جوبالار، ينۆەستورلاردى مەملەكەتتىك قولداۋ شارالارى تانىستىرىلادى، سونىڭ ارقاسىندا 2025 -جىلعا قاراي 6 ميلليون قوناقتى قابىلداۋ جوسپارلانۋدا. ەرتەڭ شارا وزبەكستاننىڭ تۋريستىك ورتالىقتارىنىڭ ءبىرى - سامارقاند قالاسىندا وتەدى»، - دەدى ازامات نۇرىمبەتوۆ سۇحباتىندا.

روۋد- شوۋ بارىسىندا B2B جانە B2G كەزدەسۋلەرى ءوتتى، ەكى ەلدىڭ تۋريستىك سالاسى وكىلدەرى اراسىندا ىنتىماقتاستىق تۋرالى مەموراندۋمدارعا قول قويىلدى.

« ءبىز قازاقستانعا ۇلكەن قىزىعۋشىلىقپەن قارايمىز. بۇل ءبىزدىڭ ەڭ جاقىن كورشىمىز، تۋىسقان ەل. سوڭعى جىلدارى قازاقستاندا تۋريزمدى دامىتۋعا ۇلكەن كوڭىل ءبولىنىپ، ينفراقۇرىلىمدى دامىتۋعا زور قاراجات سالىندى. قازىر وندا تاريحي- مادەني، گاسترونوميالىق تۋريزم ءۇشىن تاڭعاجايىپ ورىندار بار. ءبىز شىمكەنتكە بالالارعا، دوستارمەن بىرلەسىپ بارۋعا، ۇيلەنۋ تويىندا بارۋعا بولاتىن چارتەرلىك رەيستەر ۇيىمداستىرامىز. بۇگىنگى ءىس- شارا وزبەك تۋروپەراتورلارىنا ەسىك اشادى» - دەدى Manzara Tourism تۋريستىك كومپانياسىنىڭ باسشىسى ەلەنا ميرزايەۆا.