ادام بويى جايلى قىزىقتى فاكتىلەر
ادام بويى جايلى ءسىز ەستىمەگەن قىزىقتى فاكتىلەر ۇسىنامىز.
ۇزىن بوي قاتەرلى ىسىك قاۋپىن ارتتىرادى
Lancet Oncology جۋرنالىندا جاريالانعان زەرتتەۋ بويىنشا، ادامنىڭ بويى ۇزىن بولعان سايىن قاتەرلى ىسىكتىڭ دامۋ قاۋپى جوعارى بولادى. عالىمدار ۇلى بريتانياداعى جارتى ميلليون ايەلدىڭ مەديتسينالىق جازبالارىنا اناليز جۇرگىزگەن. ولار بويى 155 سانتيمەتردەن 176 سانتيمەترگە دەيىنگى جانە ودان دا ۇزىن ايەلدەردى تاڭداعان. ناتيجەسىندە، بويى وتە ۇزىن ايەلدەردە بويى 176 سانتيمەتردەن اسپايتىن ايەلدەرگە قاراعاندا قاتەرلى ىسىكتىڭ دامۋ قاۋپى %37 عا جوعارى ەكەنى انىقتالدى.
زەرتتەۋ اۆتورى دجەين گرين بىلاي دەپ ءتۇسىندىردى:
بويى ۇزىن ادامداردىڭ اعزاسىندا جاسۋشالار كوپ بولۋى مۇمكىن، سوندىقتان ولاردىڭ قاتەرلى ىسىكپەن اۋىرىپ قالۋ قاۋپى جوعارى. نەمەسە بۇل بوي گورموندارى دەڭگەيىمەن بايلانىستى بولۋى مۇمكىن.
سونداي-اق ول بۇل ستاتيستيكا تەك ايەلدەرگە ەمەس، ەرلەرگە دە قاتىستى ەكەنىن ايتتى. ارينە، تەك بوي ءۇشىن ۇرەيلەنۋدىڭ قاجەتى جوق، باستىسى، دەنساۋلىعىڭىزدى كۇتىپ، ادەتتەرىڭىزدى دۇرىستاڭىز.
بوي شامامەن 40 جاستان باستاپ وتىرا باستايدى
ادامداردىڭ جاسى ۇلعايا كەلە بويى قىسقاراتىنىن بايقاعان بولارسىز. بۇل اعزانىڭ جەكە ەرەكشەلىكتەرىنە بايلانىستى شامامەن 40 جاستا باستالۋى مۇمكىن.
بريتاندىق مەديتسينالىق عىلىمدار دوكتورى دجون ۋايتتىڭ ايتۋىنشا، بويدىڭ وتىرۋى ەگدە جاستا پايدا بولاتىن اۋرۋلارمەن بايلانىستى. مىسالى، وستەوپوروز - سۇيەكتەردىڭ السىرەۋىنە اكەلەتىن اۋرۋ. ناتيجەسىندە، ادامنىڭ جاعىمسىز جانە اۋىرتاتىن بەلگىلەردەن باسقا دەنە ءمۇسىنى دە بۇزىلادى. دەنساۋلىقتى جانە بويدى ساقتاۋ ءۇشىن دەنە مۇسىنىمەن، ومىرتقامەن جۇمىس ىستەۋ كەرەك.
پلانەتاعا ەڭ ۇزىن ادامدار نيدەرلاندىدا تۇرادى
XVIII جانە XIX عاسىردا بويى ۇزىن تۇرعىندارى بويىنشا ا ق ش ءبىرىنشى ورىندا تۇراتىن. امەريكالىق ەرلەردىڭ ورتاشا بويى - 179 سانتيمەتر، ال ايەلدەردىكى - 164 سانتيمەتر. ءبىراق قازىر ەڭ ۇزىن تۇرعىندارى بار ەلدەر اراسىنداعى ليدەر - نيدەرلاندى. مۇندا ەرلەردىڭ ورتاشا بويى - 182 سانتيمەتر، ال ايەلدەردىكى - 172 سانتيمەتر.
بوي تەك گەنگە بايلانىستى ەمەس
گەنەتيكا ادام بويىنا اسەر ەتەتىن جالعىز فاكتور ەمەس. ول ادامنىڭ ءومىر بويى تۇتىناتىن تاماعىنا، ۇيقىسىنا، جاسايتىن فيزيكالىق جاتتىعۋلارىنا جانە شالدىققان اۋرۋلارىنا بايلانىستى.
تاريحتاعى ەڭ ۇزىن ادامنىڭ بويى - 272 سانتيمەتر
بۇل رەكورد ا ق ش تۇرعىنى روبەرد ۋودلوۋعا جاتادى. ول 1918-جىلى دۇنيەگە كەلدى جانە 4 جاسقا دەيىن بويى ورتاشا ستاتيستيكالىققا جاتتى. ال سودان سوڭ ونىڭ اعزاسىندا گيپوفيز ىسىگى مەن اكرومەگالياعا بايلانىستى وزگەرىستەر باستالدى.
ونىڭ ۇزىن بويى روبەرتكە كوپتەگەن ىڭعايسىزدىقتار تۋدىردى. ءبىراق ونىڭ اتا-اناسى بالاسىنىڭ ءومىرىن بارىنشا جايلى ەتۋگە تىرىستى. ول قاراپايىم مەكتەپكە باردى. ول ءۇشىن ارنايى پارتا جاسالدى.
ۇزىن بوي ونىڭ اياعىن ەشتەڭە سەزبەيتىن جانە ءالسىز ەتتى. سوندىقتان ول بالداقپەن جۇرەتىن. روبەرت 1940-جىلى اياق سەپسيسىنەن قايتىس بولدى.
ال قازىر الەمدەگى ەڭ ۇزىن ادام - سۇلتان كەسەن. ول تۇركيادا تۇرادى جانە ونىڭ بويى - 251 سانتيمەتر.
ايتا كەتەيىك، اتىراۋ وبلىسىندا الىپ ادام ءومىر سۇرەدى. ونىڭ ەسىمى - پاراسات نۇرعاليەۆ. الىپ ادامنىڭ بويى 2 مەتر 15 سانتيمەتر بولسا، سالماعى 150 كەلى، ال اياق كيىمىنىڭ ولشەمى - 56.
massaget.kz
