08:10, 04 - قازان 2022 | GMT +5
التى بالانىڭ اناسىن ءولىمشى قىلىپ ساباعان كۇدىكتى قاماۋعا الىندى
الماتى. قازاقپارات - الەۋمەتتىك جەلىدە 6 بالانىڭ اناسىن زورلاماق بولعان جانە ءولىمشى قىلىپ ساباعان ادامنىڭ بوستاندىقتا جۇرگەنى تۋرالى جازبا جاريالانعان بولاتىن.
وسى وقيعاعا بايلانىستى الماتى وبلىستىق پوليتسيا باسقارماسى تۇسىندىرمە بەردى، دەپ حابارلايدى قازاقپارات.
«اعىمداعى جىلدىڭ 27-قىركۇيەگىندە قاراساي اۋدانى پ ب كەزەكشى بولىمىنە قاراساي اۋدانى قاسكەلەڭ قالاسى اۋرۋحاناسىنىڭ رەانيماتسيا بولىمىنە 35 جاستاعى ايەلدىڭ تۇسكەنى تۋرالى اقپارات ءتۇستى. بۇل دەرەك قىلمىستىق كودەكستىڭ 106-بابىنىڭ 1-بولىمىندە كوزدەلگەن قىلمىستىق قۇقىق بۇزۋشىلىق بەلگىلەرى بويىنشا قاراساي اۋدانىنىڭ پ ب- دا تىركەلدى. جۇرگىزىلگەن جەدەل- ىزدەستىرۋ ءىس-شارالارىنىڭ ناتيجەسىندە 23 جاستاعى كۇدىكتى قاراساي اۋدانىنىڭ پ ب-عا جەتكىزىلدى»، - دەپ جازدى ۆەدومستۆودان.
ونداعى مالىمەتتەرگە قاراعاندا، قازىرگى ۋاقىتتا قىلمىستىق ءىس بويىنشا تولىقتىعى مەن جان- جاقتىلىعىن قامتاماسىز ەتۋگە باعىتتالعان بارلىق قاجەتتى تەرگەۋ ارەكەتتەرى جۇرگىزىلۋدە.
