شيەلەنىس جوق - استانا اكىمدىگى رەسەي ازاماتتارىنىڭ كەلۋى جايىندا
بۇل تۋرالى استانا قالالىق ءماسليحاتى زاڭدىلىق، قۇقىق ءتارتىبى جانە جۇرتشىلىقپەن جۇمىس ماسەلەلەرى جونىندەگى تۇراقتى كوميسسياسىنىڭ ءتوراعاسى نۇرلان كوپەشوۆ ايتتى، دەپ حابارلايدى قازاقپارات ءتىلشىسى.
«قازىرگى ۋاقىتتا ە ا ە و كەلىسىمى اياسىندا قاجەتتى ءىس- شارالار جۇرگىزىلىپ جاتىر. ولاردىڭ ىشىندە رەسەي فەدەراتسياسىنان كەلگەن ازاماتتار ح ق ك و- لارىمىزعا جۇگىنگەنىن اتاپ وتۋگە بولادى. ۇلكەن جۇكتەمە بولدى. ءبىرىنشى كۇنى كەزەك بايقالدى. ءبىر ءتۇننىڭ ىشىندە «ازاماتتارعا ارنالعان ۇكىمەتپەن بىرلەسىپ، «جاستار» سارايى الاڭىندا ارنايى ح ق ك و ۇيىمداستىردىق، وندا بارلىق تەرەزە ارنايى قىزمەت كورسەتەدى. كۇنىنە 3 مىڭعا جۋىق ادام كەلەتىنىن بايقايمىز. ولاردىڭ وتىنىمدەرىنىڭ جارتىسى سول كۇنى، جارتىسى ءۇش كۇن ىشىندە شەشىلەدى. رەگلامەنتتىك مەرزىم بويىنشا قىزمەت كورسەتىلىپ جاتىر، ياعني ج س ن تىركەلەدى»، - دەدى نۇرلان كوپەشوۆ ەلوردا ءماسليحاتىنىڭ وتىرىسىندا.
ونىڭ اتاپ وتۋىنشە، قالادا قاۋىپسىزدىك ماسەلەلەرى قامتاماسىز ەتىلگەن.
«قازىر باسقا ەرەكشە جاعدايلار مەن شيەلەنىستەر جوق. قوناق ءۇي كەشەندەرىنە، قوناقۇيلەرگە، پاتەرلەرگە ۇلكەن جۇكتەمە بار ەكەنىن كورىپ وتىرمىز. بۇگىنگى تاڭدا جانجالدار، باسقا دا جاعدايلار تىركەلگەن جوق. جالپى، بارلىق قۇقىق قورعاۋ ورگاندارى كەلگەن ازاماتتار مەن ازاماتتارىمىزدىڭ قۇقىقتىق ءتارتىبى مەن قاۋىپسىزدىگىن قامتاماسىز ەتۋگە باعىتتالعان»، - دەدى ول.
اۆتور
مارلان جيەمباي
