اباي وبلىسىنداعى ايگىلى ەڭلىك-كەبەك كەسەنەسى جاڭارتىلدى - فوتو
اباي وبلىسى اكىمدىگى باسپا ءسوز قىزمەتىنىڭ مالىمەتىنە سۇيەنسەك، زاڭعار جازۋشى مۇحتار اۋەزوۆتىڭ مەرەيتويى تۋعان جەرى اباي اۋدانىندا كەڭ كولەمدە اتالىپ وتىلۋدە.
«ءۇش كۇنگە جوسپارلانعان مەرەكەلىك شارالار سەمەي- ءبورىلى- قاراۋىل باعىتىندا كەزەڭ- كەزەڭىمەن وتۋدە. مەرەيتوي مۇحتار اۋەزوۆتىڭ اكە-شەشەسى ومارحان مەن نۇرجامالدىڭ كەسەنەسىنە بارىپ قۇران باعىشتاۋدان باستالدى. ارتىنشا كەمەڭگەر جازۋشىنىڭ تۋعان جەرى بورىلىدە بەس جاسار تۇيەنى قۇرباندىققا شالىپ، اۋەزوۆ رۋحىنا تاعزىم جاسالدى»، - دەلىنگەن اقپاراتتا.
جازۋشىنىڭ 125 جىلدىعىن اتاپ ءوتۋ جونىندەگى رەسپۋبليكالىق جوسپارعا سايكەس بيىل 4 باعىت بويىنشا 82 ءىس-شارا ۇيىمداستىرىلعان.
«اباي اۋدانىندا ىسكەر ازاماتتار مەن جەرگىلىكتى حالىقتىڭ قولداۋىمەن كەڭگىرباي بيگە ەسكەرتكىش ورناتىلدى. سونداي- اق جاڭارتىلعان ەڭلىك- كەبەك كەسەنەسىنىڭ سالتاناتتى اشىلۋى بولدى. اۋەزوۆتىڭ مەرەيتويى تۋعان جەرىندە ءۇش كۇن بويى تويلانباق. شارا بارىسىندا، قازاقشا كۇرەس، الامان بايگە، جورعا جارىس، فۋتبول، گالا كونسەرت وتكىزۋ كوزدەلۋدە»، - دەلىنگەن حابارلامادا.
