جاس عالىمداردىڭ زەرتتەۋلەرىن گرانتتىق قارجىلاندىرۋ بويىنشا كونكۋرس جاريالاندى

استانا. قازاقپارات - جاس عالىمدار - پوستدوكتورانتتاردىڭ ىرگەلى جانە قولدانبالى عىلىمي زەرتتەۋلەرىن گرانتتىق قارجىلاندىرۋعا ارنالعان «جاس عالىم» جوباسى بويىنشا كونكۋرس جاريالاندى، دەپ حابارلايدى قازاقپارات.

ق ر عىلىم جانە جوعارى ءبىلىم مينيسترلىگىنىڭ مالىمەتىندە كونكۋرس 2023-2025-جىلدارعا ارنالعان.

وتىنىمدەر عىلىمدى دامىتۋدىڭ كەلەسىدەي باسىم باعىتتارى بويىنشا قابىلدانادى:

- سۋ رەسۋرستارىن، جانۋارلار مەن وسىمدىكتەر دۇنيەسىن ۇتىمدى پايدالانۋ، ەكولوگيا؛

- گەولوگيا، مينەرالدى جانە كومىرسۋتەك شيكىزاتىن ءوندىرۋ جانە قايتا وڭدەۋ، جاڭا ماتەريالدار، تەحنولوگيا، قاۋىپسىز بۇيىمدار مەن كونسترۋكتسيالار؛

- ەنەرگەتيكا جانە ماشينا جاساۋ؛

- جاراتىلىستانۋ عىلىمدارى سالاسىنداعى عىلىمي زەرتتەۋلەر؛

- اگروونەركاسىپتىك كەشەننىڭ تۇراقتى دامۋى جانە اۋىل شارۋاشىلىعى ءونىمىنىڭ قاۋىپسىزدىگى؛

- ءومىر جانە دەنساۋلىق تۋرالى عىلىم؛

- اقپاراتتىق، كوممۋنيكاتسيالىق جانە عارىشتىق تەحنولوگيالار؛

- الەۋمەتتىك جانە گۋمانيتارلىق عىلىمدار سالاسىنداعى زەرتتەۋلەر؛

- ءبىلىم جانە عىلىم سالاسىنداعى زەرتتەۋلەر؛

ۇلتتىق قاۋىپسىزدىك، قورعانىس جانە ماماندىرىلعان عىلىمي باعىتتار.

كونكۋرسقا ءوتىنىم قابىلداۋ 3-31- قازان ارالىعىندا https://is.ncste.kz سايتىندا جۇرگىزىلەدى.