سيفرلىق مەملەكەتتىك باسقارۋ جۇيەسى «كورىنبەيتىن ۇكىمەت» فورماتىنا كوشەدى
«ماڭىزدى باسىمدىقتاردىڭ ءبىرى - «Government to citizens» ، ياعني ازاماتتارعا قىزمەت كورسەتۋ سالاسى بولىپ ەسەپتەلەدى. ءبىز سيفرلىق تەحنولوگيالاردىڭ كومەگىمەن ازاماتتاردىڭ كۇندەلىكتى ءومىرىن بارىنشا جەڭىلدەتۋگە جانە بارلىق ادامدار ءۇشىن تەڭ مۇمكىندىكتەرگە قول جەتكىزۋگە نيەتتىمىز»، - دەدى مەملەكەت باسشىسى.
سونداي- اق پرەزيدەنت سيفرلىق تەحنولوگيالاردىڭ ارقاسىندا مەملەكەتتىك ساياساتتى بارىنشا قاراپايىم ادامدارعا باعدارلاۋعا بولاتىنىن اتاپ ءوتتى.
«بۇل ءۇشىن مەملەكەتتىك باسقارۋدى سيفرلاندىرۋدىڭ «Invisible Government» - كورىنبەيتىن ۇكىمەت» ساپالى جاڭا فورماتىنا كوشۋ قاجەت. ونىڭ ءمانى - مەملەكەتتىك ساياساتتىڭ باستى باعىتى ادامعا، ونىڭ قاجەتتىلىكتەرى مەن مۇددەلەرىنە باعىتتالعان. مەملەكەت قابىلداعان شارالار مەن شەشىمدەردىڭ كوبى ازاماتقا كورىنبەيدى، ءبىراق ازامات ناقتى ناتيجەنى كورەدى»، - دەپ ءتۇسىندىردى قاسىم- جومارت توقايەۆ.
مەملەكەت باسشىسى قاسىم- جومارت توقايەۆ قازاقستاننىڭ سيفرلىق تەحنولوگيالاردى دامىتۋداعى باستى ماقساتىن اتادى.
«ساراپشىلاردىڭ بولجامى بويىنشا، ون جىلدان كەيىن الەمدەگى ونىمدەر مەن قىزمەتتەردىڭ 70 پايىزى سيفرلىق پلاتفورمالىق مودەلدەرگە نەگىزدەلەدى. وسىنداي جاعدايدا قازاقستان ءوز الدىنا ەۋرازيالىق كەڭىستىكتەگى ەڭ ءىرى سيفرلىق حابتاردىڭ بىرىنە اينالۋ ستراتەگيالىق مىندەتىن قويدى»، - دەدى مەملەكەت باسشىسى.
پرەزيدەنتتىڭ پايىمىنشا، بۇعان قاجەتتى بەرىك نەگىز بار.
«بۇگىندە قازاقستان كوپتەگەن دامىعان ەلدەن وزىپ، ب ۇ ۇ- نىڭ سيفرلانعان مەملەكەتتەر رەيتينگىندە ۇزدىك وتىز ەلدىڭ قاتارىنا كىرەدى. قازاقستان سيفرلاندىرۋدىڭ دامىتۋ ۆەكتورىن مازمۇندىق جاعىنان دا، ينستيتۋتسيونالدىق تۇرعىسىنان دا ناقتى ايقىنداعانىن اتاپ وتكەن ءجون»، - دەدى قاسىم- جومارت توقايەۆ
اۆتور
ەسىمجان ناقتىباي
