اقتوبەدە جول اپاتىنان رەسەيلىك ازامات قازا تاپتى

اقتوبە. قازاقپارات - سامارا- شىمكەنت تاسجولىندا جول اپاتى بولىپ، رەسەيلىك ازامات كوز جۇمدى، دەپ حابارلايدى قازاقپارات ءتىلشىسى.

سامارا- شىمكەنت تاسجولىنىڭ 999-شاقىرىمىندا جول- كولىك اپاتى بولدى.

Toyota Camry اۆتوكولىگىنىڭ 38 جاستاعى جۇرگىزۋشىسى، رەسەي فەدەراتسياسىنىڭ ازاماتى ايتەكە بي اۋدانى ارالتوعاي اۋىلى ماڭىندا جول جيەگىنە شىعىپ كەتىپ، كولىگى اۋدارىلىپ قالعان.

«جول- كولىك وقيعاسى سالدارىنان 34 جاستاعى جولاۋشى سول جەردە كوز جۇمىپ، 1983 -جىلى تۋعان ەكىنشى جولاۋشى ايتەكە بي اۋدانىنىڭ ورتالىق حيرۋرگيالىق بولىمشەسىنە جاتقىزىلدى. قازىرگى كەزدە قىلمىستىق كودەكستىڭ 345-بابى 3-بولىگى بويىنشا سوتقا دەيىنگى تەرگەۋ باستالدى. پوليتسيا دەپارتامەنتى جۇرگىزۋشىلەرگە جول- كولىك وقيعالارىنا جول بەرمەۋ ماقساتىندا قوزعالىس ەرەجەلەرى تالاپتارىن ساقتاۋعا جانە جۇرگىزۋشىلەرگە شارشاعان نەمەسە اۋىرعان جاعدايدا كولىككە وتىرماۋعا كەڭەس بەرەدى»، - دەپ حابارلادى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.

ەسكە سالساق، اقتوبەدە الاياقتىق دەرەگى جيىلەدى. زەينەتكەر الەۋمەتتىك جەلى ارقىلى ءوزىن ا ق ش ازاماتى رەتىندە تانىستىرعان بەلگىسىز بىرەۋگە 36 ميلليون تەڭگە اقشاسىن اۋدارىپ جىبەردى.

وسى دەرەك بويىنشا الدىن الا تەرگەۋ باستالدى.