استاناداعى الەۋمەتتىك نىساندارعا جىلۋ بەرىلە باستادى

استانا. قازاقپارات - ەلوردانىڭ الەۋمەتتىك نىساندارى جىلۋ جۇيەسىنە قوسىلا باستادى. بۇل تۋرالى استانا قالاسى اكىمدىگىنەن ءمالىم ەتتى، دەپ حابارلايدى قازاقپارات ءتىلشىسى.

«استانادا اۋا رايىنىڭ سالقىنداۋىنا بايلانىستى الەۋمەتتىك نىساندار (مەديتسينالىق مەكەمەلەر، مەكتەپتەر، بالاباقشالار، سپورت نىساندارى جانە ت. ب. ) جىلۋ جۇيەسىنە مەرزىمىنەن بۇرىن قوسىلا باستادى. 30-قىركۇيەكتەن باستاپ كوپپاتەرلى ۇيلەر كەزەڭ- كەزەڭىمەن جىلىتۋعا قوسىلادى»، - دەپ اتاپ ءوتتى اكىمدىكتەن.

سونداي- اق تاراتىلعان مالىمەتكە سايكەس، ەلوردادا ەلدى مەكەندەردى گازداندىرۋ جۇمىسى ءجۇرىپ جاتىر. الماتى جانە سارىارقا اۋداندارىنداعى ۇيلەردى گازعا قوسۋ مۇمكىندىگى تولىق قامتاماسىز ەتىلگەن.

سول سياقتى جەكە سەكتور تۇرعىندارى ءۇشىن كومىر ساتاتىن كومپانيالار انىقتالدى. باعانىڭ وسۋىنە جول بەرمەۋ ءۇشىن كومپانيالارمەن كومىر قۇنىن بەكىتۋ تۋرالى ءتيىستى مەموراندۋم جاسالدى. 109 ءنومىرى بويىنشا ارنايى جەلى جۇمىس ىستەيدى. وسى ءنومىر ارقىلى كومىردىڭ قورى، باعاسى جانە بار- جوعى تۋرالى بىلۋگە بولادى.