قازاقستاندا جاڭا اۆتوكولىكتەر ساۋداسى قانشا پايىزعا ءوستى
«الەمدەگى اۆتوموبيل نارىعى قۇلدىراۋدان ورلەۋگە تۇبەگەيلى بەت تۇزەدى. تامىز ايىندا 6,9 ميلليون جاڭا اۆتوموبيل ساتىلدى. بۇل بىلتىرعى تامىز ايىمەن سالىستىرعاندا 18 پايىزعا كوپ. قازاقستاندا جاڭا اۆتوكولىك ساتىلىمى وتكەن جىلدىڭ تامىزىمەن سالىستىرعاندا بىردەن 25,4 پايىزعا ءوسىپ، 11,4 مىڭ داناعا جەتتى»، - دەپ جازادى اناليتيكالىق رەسۋرس.
Energyprom.kz كەلتىرگەن ستاتيستيكاعا قاراپ، قازاقستاننىڭ كولىك نارىعىنان رەسەيلىك ءوندىرىستىڭ ۋاقىتشا بولسا دا ىعىسقانىن بايقاۋعا بولادى.
سەگىز ايدا قازاقستانداعى جاڭا كولىكتەر ساتىلىمى 75 مىڭعا جەتتى.
بۇل بىلتىرعىدان جىلدان 1,5 پايىزعا از. تامىز ايىندا ەلدە 3,9 مىڭ Chevrolet 2,2 مىڭ Hyundai 1,5 مىڭ Kia 998 Toyota 592 Lada برەندىنىڭ كولىگى ساتىلعان.
«قاڭتار- تامىز ايلارىندا ساتىلعان جاڭا اۆتوموبيلدەردىڭ 51,1 پايىزعا Chevrolet پەن Hyundai-دىڭ ۇلەسىنە تيەسىلى بولدى. Chevrolet ماركالى 20,5 مىڭ اۆتوموبيل ساتىلدى. ال Hyundai-دىڭ ساتىلىمى 12,6 پايىزعا ءوسىپ، 17,8 مىڭعا جەتتى»، - دەپ جازادى Energyprom.kz.
