جاپپاي كەلىپ جاتقان رەسەيلىكتەرگە كومەكتەسىپ جاتقاندارعا قوي دەي المايمىز - مينيستر
بۇل تۋرالى ق ر ىشكى ىستەر ءمينيسترى مارات احمەتجانوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى، دەپ حابارلايدى قازاقپارات ءتىلشىسى.
«قازىر رەسەيمەن شەكارامىزدا ۇزىنسونار كەزەك قالىپتاسقان. كوپتەگەن رەسەيلىكتەر ءىشىنارا اسكەري جۇمىلدىرۋدان قاشىپ، ەلىمىزگە ۇمتىلۋدا. وسىعان بايلانىستى كوپتەگەن قازاقستاندىقتار اتالعان رەسەيلىكتەردى تاسىمالداۋ، قۇجات راسىمدەۋگە كومەكتەسۋ، بانك كارتالارى مەن ج س ن الۋعا جاردەمدەسۋ قىزمەتىن ۇسىنىپ، ءتۇرلى چاتتار اشىپ جاتىر. بۇل چاتتار تەكسەرىلىپ جاتىر ما؟ مۇنداي قىزمەت ۇسىنۋشىلارعا بايلانىستى قانداي دا ءبىر شارا قولدانىلا ما؟»، - دەپ سۇرادى ب ا ق وكىلى.
ءمينيستردىڭ سوزىنە قاراعاندا، بۇل تۇرعىدا الەۋمەتتىك جەلىنىڭ بارىنە مونيتورينگ جۇرگىزىلىپ وتىر.
«ارينە بۇكىل الەۋمەتتىك جەلىلەرگە، باسقا رەسۋرستارعا دا مونيتورينگ جۇرگىزىلىپ جاتىر. ءبىراق مىنانى اتاپ ءوتۋ كەرەك. قازاقستاندا ءبارى زاڭنامامەن ايقىن رەتتەلگەن. ج س ن الۋ دا، سىرتتان كەلۋشىلەردىڭ قۇزىرلى ورگاندارعا حابار بەرۋ ءتارتىبى دە زاڭنامادا ناقتى كورسەتىلگەن. سوندىقتان ەرىكتىلەر مەن وزگە تۇلعالار كومەكتەسىپ، ءتۇسىندىرۋ جۇمىسىن جۇرگىزىپ جاتسا، بۇل جەردە ءبىز ولاردى شەكتەي المايمىز. دەي تۇرعانمەن، قانداي دا ءبىر كولەڭكەلى الاياقتىق سحەمالار تىركەلسە، ارينە، جولى كەسىلەدى»، - دەدى مارات احمەتجانوۆ.
