قازاقستاندا جالدامالى باسپانا قانشاعا قىمباتتادى؟
باسىلىم مالىمەتىنشە، جالعا بەرۋ ۇسىنىستارىنىڭ باعاسى نەگىزىنەن رەسەيمەن شەكارالاس ايماقتاردا وسكەن. ءوسىم 15-تەن 34 پايىزعا دەيىن. باعا ءوسىمى نەگىزىنەن دەمالىس كۇندەرى بايقالعانى جانە جالعا الۋ سۇرانىسىنىڭ ارتۋىنا بايلانىستى ەكەنى اتاپ ءوتىلدى.
«ەڭ كوپ سۇرانىسقا يە قالالار: ورال، اقتوبە، قوستاناي، پەتروپاۆل، پاۆلودار. ونداعى حابارلاندىرۋلاردى قاراۋ سانى ادەتتەگى تۇراقتى دەڭگەيگە قاراعاندا 2-3 ەسە ءوستى»، - دەيدى ماماندار.
اقتوبە مەن ورالدا ءبىر اپتادا (19-25-قىركۇيەك) وتكەن اپتامەن (12-18-قىركۇيەك) سالىستىرعاندا جالعا بەرۋ ورتاشا ەسەپپەن 34 پايىزعا، قوستانايدا - 25 پايىزعا، پاۆلوداردا - 19 پايىزعا، سەمەيدە جانە پەتروپاۆل 15 پايىزعا جۋىق قىمباتتاعان.
«مەگاپوليستەر مەن ورتالىق قالالاردا ازىرگە جاپپاي ءوسىم جوق. استانادا ۇسىنىس باعاسى 5,6 پايىزعا، الماتىدا - 5,1 پايىزعا ءوستى. باعاسى نارىقتان ەداۋىر جوعارى بولەك نۇسقالار دا بار. ولاردى «ۇقساس پاتەرلەردەگى باعا« بلوگى بويىنشا انىقتاۋعا بولادى»، - دەدى ساراپشىلار.
سونىمەن قاتار، الماتىدا 24-قىركۇيەكتە حابارلاندىرۋلاردى قاراۋ سانى تامىزدىڭ اياعىنداعىداي بولعان.
«كەيبىر قالالاردا باعا مەن سۇرانىستىڭ وزگەرۋى مۇلدەم بايقالمايدى. بۇل شىمكەنت، قاراعاندى، كوكشەتاۋ، تۇركىستان، تالدىقورعان، جەزقازعان جانە باسقالارى. ونداعى باعالار وزگەرگەن جوق نەمەسە وتە از مولشەردە وسكەن، 1-3 پايىزعا.
اتىراۋدا باعالار 40 پايىزعا ءوستى، ءبىراق مۇندا الىپساتارلىق فاكتورى باسىم بولۋى مۇمكىن. بۇل قالادا سۇرانىستىڭ كۇرت ءوسۋى تۋرالى مالىمەت جوق»، - دەيدى باسىلىم.
ەلىمىزدە جالداۋ اقىسى ەڭ قىمبات قالا الماتى ەكەنى اتاپ ءوتىلدى. بۇل قالادا ورتاشا ەسەپپەن شارشى مەتر 5435 تەڭگەگە جالعا بەرىلەدى. وسىلايشا، ءبىر بولمەلى پاتەردى جالعا الۋ ايىنا شامامەن 200 مىڭ تەڭگە تۇرادى.
