ءوز ەلىمىز بەن حالقىمىزدىڭ مۇددەسىنەن جوعارى قۇندىلىق جوق - ءاليحان سمايىلوۆ
«كەشە ۇكىمەتتىڭ كوشى- قون ماسەلەلەرىنە قاتىستى وتكىزگەن جينالىسىنداعى مالىمەتتەرگە بايلانىستى قوعامدا دۇرىس تۇسىنبەي جاتقاندار بار. وسىعان وراي ايتايىن دەگەنىم - شەتەل ازاماتتارىنا زاڭ اياسىندا قىزمەت كورسەتىلەدى. ءبىز حالىقارالىق مىندەتتەرىمىزدى ورىنداي وتىرىپ، ءوز ەلىمىز بەن حالقىمىزدىڭ مۇددەسىنەن جوعارى قۇندىلىق جوق ەكەنىن ۇمىتپاۋىمىز قاجەت. ەڭ ماڭىزدى ماسەلەنىڭ ءبىرى - قۇقىقتىق ءتارتىپ پەن قاۋىپسىزدىك. سونىمەن بىرگە ارەندالىق تۇرعىن ءۇي باعالارىنىڭ وسۋىنەن ءوز ازاماتتارىمىز قيىن جاعدايعا تاپ بولىپ وتىر»، - دەدى ءاليحان سمايىلوۆ.
ۇكىمەت باسشىسى جاۋاپتى ورگاندار تۇرعىن ءۇي نارىعىنداعى احۋالدى تۇراقتاندىرۋ بويىنشا ءتيىستى شارالاردى قابىلداۋ قاجەتتىگىن باسا ايتتى.
«ونى ءبىز كەشە ايتتىق. ەڭبەكپەن قامتۋ بويىنشا ەڭ الدىمەن قازاقستاندىقتاردىڭ جاي- كۇيى، جۇمىس جاعدايى ءبىز ءۇشىن پريوريتەت. بارلىق كاسىپورىندار مەن مەكەمەلەر وسىنى ەستەن شىعارماۋى كەرەك. ال كورشىلەس ەلدەن كەلگەن ميگرانتتار بەلگىلەنگەن زاڭناما شەڭبەرىندە عانا ەڭبەك ەتە الادى. جاعداي كۇندەلىكتى باقىلاۋدا»، - دەدى پرەمەر- مينيستر.
اۆتور
مارلان جيەمباي
