قازاقستان لۋگانسك مەن دونەسكىدەگى رەفەرەندۋمعا قاتىستى پىكىر ءبىلدىردى
«ل ح ر مەن د ح ر دەپ ءوزىن- ءوزى جاريالاعان مەملەكەتتەردىڭ جانە زاپوروجە مەن حەرسون وبلىستارىنىڭ اسكەري اكىمشىلىكتەرىنىڭ رەسەيگە قوسىلۋ جونىندە رەفەرەندۋم وتكىزۋىنە كەلەتىن بولساق، قازاقستان مەملەكەتتەردىڭ اۋماقتىق تۇتاستىعى، ولاردىڭ ەگەمەندىك تەڭدىگى جانە بەيبىت قاتار ءومىر ءسۇرۋ قاعيداتتارىن نەگىزگە الادى. پرەزيدەنتىمىز بىرنەشە رەت، ونىڭ ىشىندە ب ۇ ۇ مىنبەرىنەن جاقىندا عانا سويلەگەن سوزىندە وسى دۇنيەجۇزىلىك امبەباپ ۇيىمنىڭ جارعىسىنا نەگىزدەلگەن حالىقارالىق قۇقىق قاعيداتىن بۇلجىتپاي ساقتاۋدىڭ ماڭىزى تۋرالى مالىمدەدى»، - دەدى ول.
ق ر س ءى م وكىلى جارعىدا ب ۇ ۇ- عا مۇشە ەلدەردىڭ بەيبىتشىلىك پەن مەملەكەتتەردىڭ اۋماقتىق تۇتاستىعىن ساقتاۋ جاۋاپكەرشىلىگى جايىندا ايتىلعانىن ەسكە سالادى.
«ءبىز ساياسي ديالوگ ورناتۋ ءۇشىن جان- جاقتى قولداۋ كورسەتۋگە دايىن ەكەنىمىزدى تاعى دا راستايمىز. بۇل رەتتە ەلىمىز تۇراقتىلىقتى وڭىرلىك ءارى جاھاندىق دەڭگەيدە ساقتاۋدى اسا ماڭىزدى مىندەت سانايدى»، - دەدى ايبەك سمادياروۆ.
اۆتور
مارلان جيەمباي
