مۇحتار قۇل-مۇحاممەد رەسەي دەپۋتاتىنىڭ داۋلى مالىمدەمەسىنە پىكىر ءبىلدىردى
ق ر پارلامەنت سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى مۇحتار قۇل-مۇحاممەد سول مالىمدەمەگە جاۋاپ قاتتى، دەپ حابارلايدى قازاقپارات ءتىلشىسى.
«دەپۋتات زاتۋليننىڭ تانىمالدىق رەيتينگى تۇسسە بولدى، ارانداتپا مالىمدەمەلەر ايتا باستايدى. بۇعان دەيىن دە بىرنەشە رەت وسىلاي بولعان. قازاقستاندىق بانكتەر رەسەيلىك «مير» بانك كارتاسىنا قاتىستى وتە دۇرىس ارەكەت جاسادى. بىرىنشىدەن، بىزدەگى ەكىنشى دەڭگەيدەگى بانكتەردىڭ ءبارى جەكە مەنشىكتە. سوندىقتان قانداي بانك كارتاسىمەن جۇمىس ىستەۋ پايدالى ەكەنىن، قولايلى بولاتىنىن وزدەرى شەشەدى. ەكىنشىدەن، «مير» كارتاسىنىڭ اينالاسىندا شۋ مەن جانجال كوپ. «اقشا تىنىشتىقتى جاقسى كورەدى» دەيتىن ءتامسىل بار. سوندىقتان ول ءوز «الاڭداۋشىلىعى» مەن «نارازىلىعىن» ءوز ەلىندەگى بانك جۇيەسىنە ايتسىن. ونداعى بانك جۇيەسى زاتۋلين سياقتىلاردىڭ «ارقاسىندا» وتە قيىن جاعدايدا قالىپ وتىر. بىزگە جول كورسەتكەنشە سانكسيادان قالاي شىعاتىنىن ويلاسىن. «قازاقستاننىڭ جولى تايعاق» دەپ وتىرعانداردىڭ وزدەرى تالايدان بەرى تايعاق جولعا ءتۇسىپ العان»، - دەيدى سەناتور.
سونداي-اق، ول اتالعان دەپۋتاتتىڭ جازدا دا داۋلى مالىمەدەمە جاساعانىن ەسكە سالدى.
«ايتپاقشى، جازدا بۇل دەپۋتات «بىزدە دە ۋكرايناداعىداي جاعداي بولۋى مۇمكىن» ەكەنىن ايتىپ، شۇيلىككەن. ۋكراينانىڭ جاعدايى قانداي بولعانىن جۇمىلدىرۋ شارالارىنان كورىپ وتىرمىز. سوندىقتان ول ءتىلى مەن ويىنا يە بولىپ، تىنىش وتىرا المايتىن باسىن تارتىپكە كەلتىرىپ السىن»، - دەپ اتاپ ءوتتى سەناتور مۇحتار قۇل-مۇحاممەد.
ەسكە سالساق، بۇعان دەيىن ماجىلىسمەن ايگۇل قۇسپان رەسەيلىك دەپۋتاتتىڭ مالىمدەمەسىنە جاۋاپ بەرگەن ەدى.
