07:32, 23 - قىركۇيەك 2022 | GMT +6
رەسەيمەن شەكاراداعى احۋال باقىلاۋدا – ق ر ۇلتتىق قاۋپسىزدىك كوميتەتى
استانا. قازاقپارات - بۇگىنگى تاڭدا قازاقستان- رەسەي شەكاراسىندا قازاقستان رەسپۋبليكاسىنا كىرىپ جاتقان شەتەل ازاماتتارىنىڭ سانى ارتقان، دەپ حابارلايدى قازاقپارات ق ر ۇ ق ك شەكارا قىزمەتىنە سىلتەمە جاساپ.
«ورناتىلعان 30 اۆتوموبيلدىك وتكىزۋ پۋنكتى شتاتتىق رەجيمدە جۇمىس ىستەپ تۇر. ادامدار مەن كولىك قۇرالدارى اعىنىنىڭ ۇلعايۋىنا بايلانىستى، ونىڭ تورتەۋىندە كەپتەلىس بايقالادى. احۋال ەرەكشە باقىلاۋدا.
شەكارا قىزمەتى مەملەكەتتىك قۇزىرەتتى ورگاندارمەن بىرلەسىپ، شەكارا ارقىلى ءوتۋ ورىندارىندا قاۋىپسىزدىك پەن قۇقىقتىق ءتارتىپتىڭ ساقتالۋىن قامتاماسىز ەتەدى.
رەسەي شەكارا ۆەدومستۆوسىمەن ءوزارا بىرلەسكەن ءىس- قيمىل ۇيىمداستىرىلدى.
ۇ ق ك شەكارا قىزمەتى ءوزىنىڭ ءىس- ارەكەتىندە حالىقارالىق شارتتاردى جانە ق ر ىشكى زاڭناما نورمالارىن باسشىلىققا الادى»، - دەلىنگەن رەسمي حابارلامادا.
رەداكتور
گۇلنۇر عازيز قىزى
