ب ۇ ۇ قاۋىپسىزدىك ايماق قۇرۋ تۋرالى ماسەلە كوتەردى

استانا. قازاقپارات - ب ۇ ۇ- نىڭ اتوم ەنەرگياسى جونىندەگى حالىقارالىق اگەنتتىگى زاپوروجە اتوم ەلەكتر ستانتسياسىندا قاۋىپسىزدىك ايماعىن قۇرۋ جوسپارىن جالعاستىرۋعا نيەتتى.

ۇيىمنىڭ باسشىسى رافاەل گروسسي رەسەيدە جارتىلاي موبيليزاتسيا جاريالانۋىنا بايلانىستى وسىلاي مالىمدەدى .

گروسسي اگەنتتىكتىڭ قازىر قوس تاراپپەن ماسەلەگە قاتىستى ناقتى كەلىسسوز جۇرگىزۋگە كىرىسكەنىن ايتۋدا. سوڭعى ايلاردا ۋكرايناداعى زاپوروجە اتوم ەلەكتر ستانتسياسىندا احۋال شيەلەنىستى. وعان نىسان ماڭىنداعى قوس ەل اسكەرىنىڭ ءبىر- ءبىرىن اتقىلاۋى سەبەپ. ستانتسيانى رەسەي كۇشتەرى ناۋرىز ايىندا باسىپ العان.

رافاەل گروسسي، ب ۇ ۇ اتوم ەنەرگياسى جونىندەگى حالىقارالىق اگەنتتىگىنىڭ باس ديرەكتورى:

- ستانتسيانى قالايدا قورعاۋ كەرەك. قاۋىپسىزدىك ايماعىن قۇرۋ ماسەلەسىن تالقىلاۋعا كىرىسىپ كەتتىك. ءبىراق مەن بۇل جەردە كەلىسسوز تۋرالى ايتىپ وتىرعان جوقپىن. قازىر وعان ۋاقىت جوق. ءبىز بۇل ماسەلەگە قاتىستى شەشىمدى تەز قابىلداۋىمىز قاجەت. ويتكەنى سوڭعى ۋاقىتتا نىسان ماڭىندا اتىستار ۇدەپ، قاۋىپ تاعى كۇشەيگەن.

www.24.kz