پاكىستاندا تاسقىننان بەزگەك اۋرۋى ءورشىدى

استانا. قازاقپارات - پاكىستاندا سۋ تاسقىنىنان بەزگەك اۋرۋى ءورشىپ، قازىرگە دەيىن دەرتتەن 320 ادام كوز جۇمعان.

كەسەل، اسىرەسە، ەلدىڭ وڭتۇستىگىندە تەز تارالىپ جاتىر. سۋ باسقان اۋداندارداعى تۇرعىنداردىڭ كوبى ىشەك- اسقازان اۋرۋلارىنان زارداپ شەگىپ جاتىر. ال ۋاقىتشا لاگەرلەردە تازالىق ساقتالماي تەرى، ءىش سۇزەگى، بەزگەك اۋرۋلارى ورشىگەن. جەرگىلىكتى بيلىك احۋال شيەلەنىسىپ، باقىلاۋدان شىعىپ كەتە مە دەپ الاڭداپ وتىر.

پاكىستاندا بيىل جاڭبىرلى ماۋسىم كەزىندە سۋ تاسقىنى جيىلەپ، ەلدىڭ كوپ اۋماعىن سۋ باسقان. تابيعات اپاتىنان ءجۇز مىڭنان اسا ءۇي مەن عيمارات ءبۇلىنىپ، قيراپ 30 ميلليوننان اسا ادام جاپا شەككەن.

www.24.kz