سەناتتا الەۋمەتتىك جاعىنان وسال ازاماتتاردى باسپانامەن قامتاماسىز ەتۋ ماسەلەسى كوتەرىلدى

استانا. قازاقپارات - سەناتور بەكبولات ورىنبەكوۆ پرەمەر-مينيستر ءاليحان سمايىلوۆتىڭ اتىنا جولداعان دەپۋتاتتىق ساۋالىندا حالىقتىڭ الەۋمەتتىك وسال توپتارىن باسپانامەن قامتاماسىز ەتۋ ماسەلەلەرى مەن تۇرعىن ءۇي سەكتورىنداعى پروبلەمالاردى اتادى، دەپ حابارلايدى قازاقپارات ءتىلشىسى.

دەپۋتاتتىڭ ايتۋىنشا، قازىرگى كەزدە جامبىل وبلىسىندا 37037 ادام تۇرعىن ءۇي كەزەگىندە تۇرسا، ونىڭ 26841 ءى حالىقتىڭ الەۋمەتتىك وسال توپتارىنان. كەزەكتە تۇرعانداردىڭ سانى وسىنداي كوپ بولعاندىقتان، سەناتور قۇرىلىس كومپانيالارىنىڭ تۇرعىن ءۇي قۇرىلىسىنا قىزىعۋشىلىعىنىڭ تومەندەۋىنە الاڭداۋلى.

«بۇگىنگى تاڭدا تۇرعىن ءۇي سالۋ كەزىندە قالىپتاسىپ وتىرعان نەگىزگى پروبلەما - ول نارىقتاعى ماتەريالدىڭ باعاسى. 2020-جىلمەن سالىستىرعاندا 2022-جىلى ورتا ەسەپپەن 1,8 ەسەگە دەيىن ءوسىپ، سمەتاداعى قۇننان الدە قايدا جوعارى بولىپ وتىر. وسىعان بايلانىستى مەردىگەرلەردىڭ تۇرعىن ءۇي قۇرىلىسىنا قىزىعۋشىلىعى تومەندەدى»، - دەدى سەناتور.

وسىعان بايلانىستى دەپۋتات جامبىل وبلىسىندا جالعا بەرىلەتىن تۇرعىن ءۇي قۇرىلىسىن قارجىلاندىرۋ قاعيداتتارىن قايتا قاراۋدى جانە وبلىستاعى تۇرعىن ءۇيدىڭ 1 شارشى مەترىنىڭ قۇنىن 220000 تەڭگەگە دەيىن كوتەرۋدى، سونداي-اق قۇرىلىس كومپانيالارىنا اۆانس تولەۋدى ۇسىنىپ وتىر.