قازاق قىزدارىنىڭ اراسىنداعى تۇڭعىش وليمپيادا چەمپيونى بەلارۋس جىگىتىنە تۇرمىسقا شىققالى جاتىر

استانا. قازاقپارات - دينارا الىمبەكوۆا قاراعاندى وبلىسىنىڭ اباي قالاسىندا دۇنيەگە كەلگەن.

بياتلوننان پحەنچحان وليمپياداسىنىڭ چەمپيونى، الەم كۋبوگى مەن ەۋروپا چەمپيوناتىنىڭ جۇلدەگەرى دينارا الىمبەكوۆا تۇرمىسقا شىققالى جاتىر، دەپ جازادى nur.kz.

دينارا الىمبەكوۆا قاراعاندى وبلىسىنىڭ اباي قالاسىندا دۇنيەگە كەلگەن. اكەسى تالعات - قازاق، اناسى - بەلارۋس. ول ءۇش جاسىندا وتباسىمەن بەلارۋس ەلىنە كوشىپ كەتكەن. سول جاقتا بياتلونمەن اينالىسىپ، 2018 -جىلى بەلارۋس كومانداسى ساپىندا وليمپيادا چەمپيونى اتاندى.

ياعني، دينارا بەلارۋس ەلىنىڭ ازاماتى، سول ەلدە ءوسىپ، سول ەلدە سپورتپەن شۇعىلدانعان. جاقىندا دينارا سۇيىكتىسىنىڭ ۇسىنىسىن قابىل الىپ، «ءيا» دەپ جاۋاپ بەرگەنىن حابارلاعان ەدى. ول ءوزىنىڭ كوماندالاسى، بياتلوننان بەلارۋس قۇراماسىنىڭ مۇشەسى، بەيجىڭ وليمپياداسىنىڭ كۇمىس جۇلدەگەرى انتون سمولسكيگە تۇرمىسقا شىقپاق.

ايتا كەتەلىك، دينارا شەتەلدە تۇرسا دا، ەرەسەكتەر اراسىندا قازاق قىزدارىنىڭ اراسىنان شىققان تۇڭعىش وليمپيادا چەمپيونى سانالادى. ال اۋىر اتلەت جازيرا جاپپارقۇل جاسوسپىرىمدەر اراسىندا وتكەن وليمپيادانىڭ چەمپيونى اتانعان.