بەيسەنبىگە ارنالعان اۋا رايى بولجامى
ق ر اۋماعىنىڭ باسىم بولىگى ءالى دە، اۋقىمدى انتيسيكلوننىڭ ىقپالىندا بولعاندىقتان، جاۋىن- شاشىنسىز اۋا رايى ساقتالادى.
اتموسفەرالىق فرونتتالدى بولىكتەردىڭ وتۋىنە بايلانىستى ەلىمىزدىڭ باتىسىندا، وڭتۇستىك- شىعىسىندا نايزاعايلى جاڭبىر جاۋادى، ەكپىندى جەل كۇتىلەدى. تۇندە جانە تاڭەرتەڭ ەلىمىزدىڭ سولتۇستىگىندە تۇمان كۇتىلەدى.
قىزىلوردا، تۇركىستان، جامبىل وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، شىعىسىندا، اباي وبلىسىنىڭ سولتۇستىك- باتىسىندا، سولتۇستىگىندە، شىعىسىندا، پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى. قوستاناي وبلىسىنىڭ باسىم بولىگىندە، قاراعاندى وبلىسىنىڭ شىعىس بولىگىندە، ۇلىتاۋ وبلىسىنىڭ وڭتۇستىگىندە، شىعىسىندا جوعارى ءورت قاۋپى ساقتالادى.
تۇندە شىعىس قازاقستان وبلىسىنىڭ سولتۇستىك- شىعىسىندا توپىراق بەتىندە 1 گرادۋس ۇسىك ساقتالادى.
