ق ر پرەزيدەنتىنىڭ كەزەكتەن تىس سايلاۋى قاي كۇنى وتەتىنى بەلگىلى بولدى
«قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى
2022-جىلعى 21- قىركۇيەك
قازاقستان رەسپۋبليكاسى كونستيتۋتسياسىنىڭ 41-بابىنىڭ 3-1-تارماعىنا سايكەس قاۋلى ەتەمىن:
1. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى 2022-جىلدىڭ 20- قاراشاسىنا تاعايىندالسىن.
2. قازاقستان رەسپۋبليكاسىنىڭ ورتالىق سايلاۋ كوميسسياسى كەزەكتەن تىس پرەزيدەنتتىك سايلاۋدى ۇيىمداستىرۋ مەن وتكىزۋدى قامتاماسىز ەتسىن.
3. قازاقستان رەسپۋبليكاسىنىڭ ۇكىمەتى كەزەكتەن تىس پرەزيدەنتتىك سايلاۋدى ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ جونىندەگى قاجەتتى شارالاردى قابىلداسىن.
4. استانا، الماتى، شىمكەنت قالالارىنىڭ جانە وبلىستاردىڭ اكىمدەرى سايلاۋ قۇقىعى بار ازاماتتاردىڭ ءتىزىمىن ۋاقىتىندا جاساۋدى جانە دۇرىستىعىن قامتاماسىز ەتسىن، ورتالىق، اۋماقتىق جانە ۋچاسكەلىك سايلاۋ كوميسسيالارىنا كەزەكتەن تىس پرەزيدەنتتىك سايلاۋدى ۇيىمداستىرۋ مەن وتكىزۋ ماسەلەلەرىن شەشۋدە جان-جاقتى كومەك كورسەتسىن.
5. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى»، - دەلىنگەن قاۋلىدا.
