ايەلدەردىڭ زەينەت جاسىن كوتەرۋدى توقتاتۋ كەزىندە قانشا قارجى جۇمسالادى

استانا. قازاقپارات – ق ر پرەمەر-ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ ايەلدەردىڭ زەينەتكە شىعۋ جاسىن كوتەرۋدى 2028-جىلعا دەيىن توقتاتۋ كەزىندە جۇمسالاتىن قاراجات سوماسى تۋرالى ايتتى، دەپ حابارلايدى قازاقپارات ءتىلشىسى.

«الدىن الا ەسەپتەۋلەرگە توقتالساق، 2023-جىلدان 2027-جىل ارالىعىندا شامامەن 800 ميلليارد تەڭگە بولادى»، - دەدى ە. جاماۋبايەۆ ءماجىلىستىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.

بۇدان بۇرىن حابارلانعانداي، بيىل قىركۇيەك ايىنداعى جولداۋىندا مەملەكەت باسشىسى قاسىم-جومارت توقايەۆ قازاقستاندا ايەلدەردىڭ زەينەتكە شىعۋى 61 جاس دەڭگەيىندە قالاتىنىن ايتتى.

«الەۋمەتتىڭ تالاپ-تىلەگىن ەسكەرە وتىرىپ، ايەلدەردىڭ زەينەت جاسىن 2028-جىلعا دەيىن 61 جاس دەڭگەيىندە قالدىرامىز. ءبىرىڭعاي جيناقتاۋشى زەينەتاقى قورىنىڭ ءتيىمدى ينۆەستيتسيالىق ستراتەگياسىن ازىرلەۋ قاجەت»، - دەدى پرەزيدەنت.