نەمىس قىزى قازاق ءتىلى مەن ادەبيەتى پانىنەن ساباق بەرىپ ءجۇر
سولاردىڭ ءبىرى - كارينا رووت. كارينا مەملەكەتتىك ءتىلدىڭ مارتەبەسىن كوتەرىپ، ونىڭ قولدانىس اياسىن كەڭەيتۋگە ۇلەس قوسىپ ءجۇر دەپ حابارلادى Astanatv.kz.
«تىلگە قۇرمەت - ءبىزدىڭ مىندەت» دەيدى ءتىلى قازاق نەمىس قىزى. كارينا قازاقى ورتادا تاربيەلەنگەن. سوندىقتان ول مەملەكەتتىك ءتىلدى تەز مەڭگەرگەن. قازىر ءوزى قازاق ءتىلى مەن ادەبيەت ءپانىنىڭ مۇعالىمى. جاس مامان انا ءتىلىنىڭ قۇندىلىعى مەن قۇدىرەتىن ۇرپاق ساناسىنا ءسىڭىرۋ - مەنىڭ باستى ماقساتىم دەيدى.
«قازاق ورتاسىندا وسكەندىكتەن تەز ۇيرەنىپ، قازاق مەكتەبىن ءبىتىردىم. سونىمەن قاتار بۇگىن مەن كوكشەتاۋ قالاسى جاس پەداگوگتەر وداعىنىڭ ءتورايىمى بولىپ تابىلامىن. ياعني، جاس پەداگوگتەردىڭ الدىنا كەلگەن قيىندىقتاردى شەشۋگە قولۇشىمدى تيگىزەمىن»، دەيدى قازاق ءتىلى مەن ادەبيەتى ءپانىنىڭ مۇعالىمى كارينا رووت.
كارينا بالا كۇنىنەن ۇستاز بولۋدى ارمانداعان. ونى بۇعان قازاق تىلىنە دەگەن سۇيىسپەنشىلىك پەن بالاعا دەگەن ماحابباتى جەتەلەگەن. ۇلتى باسقا بولسا دا، ءتىلى قازاق نەمىس قىزى قازاقستاندا ءومىر سۇرەتىن ءار ادام مەملەكەتتىك ءتىلدىڭ مارتەبەسىن كوتەرۋ ءۇشىن قولدان كەلگەنشە ايانباۋ كەرەك دەپ سانايدى.
«كىشكەنتاي كەزىمنەن باستاپ قازاق ءتىلىن ءسۇيىپ وقىعان بولاتىنمىن. مەكتەپ قابىرعاسىندا وقىعالى بەرى مۇعالىم ماماندىعىن تاڭداپ، سول بويىنشا ءبىلىم الىپ، ءوزىمنىڭ ارمانىما قول جەتكىزدىم. بۇگىنگى كۇنى مۇعالىم بولىپ قىزمەت اتقارامىن. بيىل 2-جىلىم مۇعالىم بولىپ قىزمەت اتقارىپ جاتقانىما»، دەيدى قازاق ءتىلى مەن ادەبيەتى ءپانىنىڭ مۇعالىمى كارينا رووت.
كوكشە جەرىندە قازاقستان حالقى اقمولا اسسامبلەياسىنىڭ ۇيىمداستىرۋىمەن مەملەكەتتىك ءتىلدىڭ اياسىن كەڭەيتۋگە باعىتتالعان شارالار ءجيى ۇيىمداستىرىلىپ تۇرادى. سونىڭ بەل ورتاسىندا كارينا دا جۇرەدى. ونان بولەك قازاق تىلىندە ەركىن سويلەيتىن وزگە دە ۇلتتىڭ وكىلدەرى جەتەرلىك.
