جەتىسۋ وبلىسىندا قانت قىزىلشاسىنا قوسىمشا سۋبسيديا بولىنەدى
كەلەر جىلدان باستاپ قانت قىزىلشاسىنىڭ ءار تونناسىنا مەملەكەتتەن تاعى 10 مىڭ تەڭگە قوسىلىپ، 40 مىڭ تەڭگەگە جەتەتىن بولادى. بۇل تۋرالى جەتىسۋلىق شارۋالارمەن كەزدەسكەن اۋىلشارۋاشىلىعى ۆيتسە- ءمينيسترى ءابىلقايىر تامابەك مالىمدەدى.
ال بيىل شارۋالار ءونىم تونناسىن 30 مىڭ تەڭگەدەن وتكىزەدى. وندا دا 15 مىڭ تەڭگەسىن قانت زاۋىتى تولەسە، 15 مىڭ تەڭگەسى جەرگىلىكتى بيۋدجەتتەن. بۇل باعا قىزىلشا وسىرۋشىلەردىڭ كوڭىلىنەن شىقپاي وتىر. سەبەبى تۇقىمنان باستاپ جانارماي، تىڭايتقىش، اۋىلشارۋاشىلىعى تەحنيكاسىنىڭ باعاسى بىرنەشە ەسە وسكەن. سونداي- اق بيىل قانت قىزىلشاسىن ءبىر عانا زاۋىت قابىلداماق. ويتكەنى وبلىس شارۋالارى وسىرگەن كولەم ءبىر كاسىپورىننىڭ قۋاتىنا ارەڭ جەتىپ وتىر. بۇل دا ارتىق شىعىن دەيدى، شارۋالار.
جالپى جەتىسۋ وبلىسىندا بيىل 6 مىڭ گەكتارعا ءتاتتى ءتۇبىر ەگىلدى. 180-نەن استام شارۋاشىلىق ءونىم جيناۋ ناۋقانىنا دايىندىق ۇستىندە. اقسۋ قانت زاۋىتى جىل بويى جۇمىس ىستەۋ ءۇشىن مودەرنيزاتسياعا جابىلىپ وتىر. ۆەدومستۆا وكىلدەرى شارۋالاردىڭ ءبىرقاتار ماسەلەسىن جەرگىلىكتى بيلىكپەن بىرلەسىپ شەشۋگە كەلىستى. باستى ماسەلە سۋارمالى القاپتاردى كوبەيتىپ، يگەرىلمەي جاتقان جەرلەردى ىسكە قوسۋ. ال ۇكىمەت كەلەر جىلدان باستاپ سۋبسيديالاۋدىڭ جاڭا ەرەجەسىن ۇسىنىپ وتىر. قانت قىزىلشاسىن وسىرۋشىلەرگە دە جەڭىلدىك جوق ەمەس.
«ەندى ءبىر ماسەلە تەحنيكاعا بايلانىستى باعا جاڭادان بەلگىلەنەدى. سونىڭ 25-30 پايىزى وتاندىق تەحنيكا بولسا، ال شەتەلدىك يمپورت بولاتىن بولسا 15 پايىزى سۋبسيديالانادى. ءبىراق تا قانت قىزىلشاسىن جينايتىن كومباينعا 50 پايىز قويىپ وتىرمىز»، - دەدى اۋىلشارۋاشىلىعى ۆيتسە- ءمينيسترى ءابىلقايىر تامابەك.
اۆتور
سامال قابىشيەۆا
