ەلوردانىڭ ەلتاڭباسى مەن تۋىن وزگەرتۋ ۇسىنىلدى

استانا. قازاقپارات - دەپۋتاتتار ەلوردا ەلتاڭباسى مەن تۋىن وزگەرتۋدى ۇسىندى، دەپ حابارلايدى قازاقپارات استانا قالالىق ءماسليحاتىنا سىلتەمە جاساپ.

وزگەرتۋ جوباسى «اشىق ن ق ا» سايتىندا جاريالاندى ، جوبا بويىنشا جاريا تالقىلاۋ ءتورتىنشى قازانعا دەيىن جالعاسادى. جوبادا اۆتورلار استانانىڭ تۋى مەن ەلتاڭباسىن وزگەرتۋدى ۇسىنىپ وتىر.

ەلوردا ءماسليحاتىندا 2019 -جىلدىڭ مامىر ايىندا بەكىتىلگەن نۇر- سۇلتان سيمۆولدارىن سيپاتتاماعا سايكەس كەلەتىن جاڭا رامىزدەرگە اۋىستىرۋدى ۇسىنىپ جاتىر.

«قازاقستان رەسپۋبليكاسى استاناسىنىڭ مارتەبەسى تۋرالى» قازاقستان رەسپۋبليكاسى زاڭىنىڭ 3-بابىنىڭ، «قۇقىقتىق اكتىلەر تۋرالى» قازاقستان رەسپۋبليكاسى زاڭىنىڭ 46-بابىنىڭ، «قازاقستان رەسپۋبليكاسىنىڭ ەلورداسى - نۇر- سۇلتان قالاسىنىڭ اتاۋىن قازاقستان رەسپۋبليكاسىنىڭ ەلورداسى - استانا قالاسى دەپ وزگەرتۋ تۋرالى» قازاقستان رەسپۋبليكاسى پرەزيدەنتىنىڭ 2022 -جىلعى 17 -قىركۇيەكتەگى № 1017 جارلىعىنىڭ نەگىزىندە، قازاقستان رەسپۋبليكاسىنىڭ ەلورداسى - استانا قالاسى رامىزدەرىنىڭ سيپاتتاماسىن جانە ولاردى پايدالانۋ ءتارتىبىن سايكەستەندىرۋ قاجەت»، - دەلىنگەن ءماسليحاتتىڭ تۇسىندىرمەسىندە.

اۆتور

اقبوپە ءابدراسۋل