قاسىم- جومارت توقايەۆ ب ۇ ۇ باس حاتشىسى انتونيۋ گۋتەرريشپەن كەلىسسوز جۇرگىزدى

استانا. قازاقپارات - قاسىم- جومارت توقايەۆ نيۋ- يورككە جۇمىس ساپارىنىڭ سوڭىندا ب ۇ ۇ باس حاتشىسى انتونيۋ گۋتەرريشپەن كەلىسسوز جۇرگىزدى، دەپ حابارلايدى اقوردانىڭ باسپا ءسوز قىزمەتى.

كونسترۋكتيۆتى جانە دوستىق جاعدايىندا وتكەن كەزدەسۋدە قازاقستان مەن بۇۇ اراسىنداعى ىنتىماقتاستىقتى نىعايتۋدىڭ جاي- كۇيى مەن پەرسپەكتيۆالارى تالقىلاندى.

سونداي- اق قازىرگى زاماننىڭ وزەكتى سىن- قاتەرلەرىن شەشۋدىڭ ۇجىمدىق ادىستەرىن ازىرلەۋگە باعىتتالعان كۇش- جىگەرگە ەرەكشە نازار اۋدارىلدى.

قاسىم- جومارت توقايەۆ انتونيۋ گۋتەرريشتىڭ ب ۇ ۇ باس حاتشىسى لاۋازىمىنداعى قىزمەتىن جوعارى باعالاپ، ونىڭ 2023 -جىلى «بولاشاق سامميتىن» شاقىرۋ تۋرالى باستاماسىن تولىق قولدايتىنىن جەتكىزدى.

پرەزيدەنت وسى ماڭىزدى جيىننىڭ قورىتىندىسى ورنىقتى دامۋ ماقساتتارىن جۇزەگە اسىرۋعا ىقپال ەتەتىنىنە سەنىم ءبىلدىردى.

تاراپتار مەملەكەت باسشىسىنىڭ الماتى قالاسىندا ورتالىق ازيا مەن اۋعانستان ءۇشىن ورنىقتى دامۋ ماقساتتارى جونىندەگى ب ۇ ۇ حابىن قۇرۋ باستاماسىنىڭ جۇزەگە اسىرىلۋ بارىسىن قاراستىردى. ب ۇ ۇ باس حاتشىسى بۇل ماڭىزدى باستامانى قولدايتىنىن ايتتى.

قاسىم- جومارت توقايەۆ انتونيۋ گۋتەرريشتى قازاقستانعا ساپارمەن كەلۋگە شاقىردى.

سونىمەن بىرگە قاسىم- جومارت توقايەۆ ب ۇ ۇ باس اسسامبلەياسى 77-سەسسياسىنىڭ اياسىندا اندوررا پرەمەر- ءمينيسترى كساۆەر ەسپوت سامورامەن، مولدوۆا پرەزيدەنتى مايا ساندۋمەن جانە ليتۆا پرەزيدەنتى گيتاناس ناۋسەدامەن كەزدەستى.

رەداكتور

ەربول جانات

facebook.com