قازاقستان-اۆستريا اۋە قاتىناسىن قالپىنا كەلتىرۋ ماڭىزدى - پرەزيدەنت
قاسىم-جومارت توقايەۆتىڭ ەكىجاقتى كەلىسسوزدەر باعدارلاماسىن ب ۇ ۇ باس اسسامبلەياسى 77- سەسسياسىنىڭ اياسىندا اۆستريا پرەزيدەنتى الەكساندر ۆان دەر بەللەنمەن بولعان كەزدەسۋى اشتى.
مەملەكەتتەر باسشىلارى ساياسي، ساۋدا-ەكونوميكالىق سالالارداعى قازاقستان - اۆستريا ىنتىماقتاستىعىن دامىتۋ پەرسپەكتيۆالارىن، سونداي-اق حالىقارالىق ۇيىمدار اياسىنداعى ءوزارا ءىس-ارەكەتىن تالقىلادى.
تاراپتار ساياسي ديالوگتى ودان ءارى دامىتۋعا، ساۋدا-ەكونوميكالىق جانە ينۆەستيتسيالىق بايلانىستاردى كەڭەيتۋگە دايىن ەكەندەرىن جەتكىزدى.
قاسىم-جومارت توقايەۆ ەكى ەل اراسىنداعى تىكەلەي اۋە قاتىناسىن قالپىنا كەلتىرۋدىڭ ماڭىزدىلىعىن اتاپ ءوتىپ، جاڭارتىلاتىن ەنەرگيا كوزدەرى، اۋىل شارۋاشىلىعى، سيفرلاندىرۋ، تۋريزم جانە ينفراقۇرىلىم سالالارىندا اۆستريالىق تەحنولوگيالاردى ترانسفەرتتەۋگە قىزىعۋشىلىق ءبىلدىردى.
مەملەكەتتەر باسشىلارى حالىقارالىق كۇن تارتىبىندەگى وزەكتى ماسەلەلەر جونىندە پىكىر الماستى.
