قازاقستانداعى استىق القاپتارىنىڭ قانشا پايىزى جينالدى

استانا. قازاقپارات - رەسپۋبليكانىڭ بارلىق وبلىستارىندا ەگىن جيناۋ جۇمىستارى قىزۋ ءجۇرىپ جاتىر، دەپ حابارلايدى قازاقپارات اۋىل شارۋاشىلىعى مينيسترلىگىنە سىلتەمە جاساپ.

اكىمدىكتەردىڭ دەرەكتەرىنە سايكەس، بۇگىنگە دەيىن 13,9 ميلليون گەكتار ءداندى جانە ءداندى- بۇرشاقتى داقىلدار جينالدى، بۇل جالپى ءونىمنىڭ %86,3 ىن قۇرايدى. قازىرگى تاڭدا ورتاشا ونىمدىلىك گەكتارىنا 12,5 سەنتنەر، 17,3 ميلليون توننا استىق باستىرىلدى.

«باسقا اۋىل شارۋاشىلىعى داقىلدارىنا كەلەتىن بولساق، مايلى داقىلداردىڭ جالپى ءتۇسىمى 363 مىڭ توننانى قۇرادى، 3,6 ميلليون توننا كوكونىس جانە 2,1 ميلليون توننا كارتوپ جينالدى. ەگىندى جيناۋ جۇمىسى جالعاسىپ جاتىر»، - دەپ جازدى ۆەدومستۆودان.

قازاقستاندا جالپى ساقتاۋ سىيىمدىلىعى 12,8 ميلليون توننا بولاتىن 189 ليسەنزيالانعان استىق قابىلداۋ كاسىپورنى جۇمىس ىستەيدى. ولاردى جاڭا ءونىمدى قابىلداۋعا دايىنداۋ بويىنشا جوسپارلى جۇمىس جۇرگىزىلىپ جاتىر.

سونىمەن قاتار، اۋىل شارۋاشىلىعى تاۋارىن وندىرۋشىلەردىڭ ءوزىنىڭ 16,6 ميلليون توننا استىققا ەسەپتەلگەن ساقتاۋ قويمالارى بار. اتالعان كولەمدەردىڭ بولجامدى ءتۇسىمىن ەسكەرسەك، ول ورىندار جينالعان استىقتى ساقتاۋ ءۇشىن جەتكىلىكتى بولادى.