كلاۋس شۆاب پرەزيدەنتتى دۇنيەجۇزىلىك ەكونوميكالىق فورۋمعا قاتىسۋعا شاقىردى
كەزدەسۋدە قازاقستان مەن دۇنيەجۇزىلىك ەكونوميكالىق فورۋم اراسىنداعى ىنتىماقتاستىقتى دامىتۋ پەرسپەكتيۆالارى قاراستىرىلدى، سونداي- اق قازىرگى زاماننىڭ وزەكتى سىن- قاتەرلەرى مەن ۇردىستەرى تۋرالى پىكىر الماستى.
مەملەكەت باسشىسى دۇنيەجۇزىلىك ەكونوميكالىق فورۋمنىڭ «استانا» حالىقارالىق قارجى ورتالىعىمەن تابىستى ىنتىماقتاستىعى تۋرالى ايتتى.
كلاۋس شۆاب پرەزيدەنتتى 2023 -جىلى قاڭتاردا داۆوستا وتەتىن دۇنيەجۇزىلىك ەكونوميكالىق فورۋمعا قاتىسۋعا شاقىردى. سونىمەن قاتار ەلىمىزدە قاسىم- جومارت توقايەۆتىڭ باسشىلىعىمەن جۇزەگە اسىرىلىپ جاتقان ساياسي جانە ەكونوميكالىق رەفورمالاردى جوعارى باعالادى.
ەسكە سالايىق، مەملەكەت باسشىسى جۇمىس ساپارىمەن ا ق ش-قا باردى. ساپار بارىسىندا ءبىرقاتار كەزدەسۋ وتكىزدى. اتاپ ايتقاندا، جاھاندىق قارجى ينستيتۋتتارىنىڭ جەتەكشىلەرىمەن، Grupo Los Grobo كومپانياسىنىڭ ءتوراعاسى گۋستاۆو گروبوكوپاتەلمەن جانە حالىقارالىق دامۋ ورتالىعى ءوسىم زەرتحاناسىنىڭ ديرەكتورى، گارۆارد ۋنيۆەرسيتەتىنىڭ پروفەسسورى ريكاردو حاۋسمانمەن، JPMorgan Chase جانە Co. كومپانياسىنىڭ ءتوراعاسى - باس اتقارۋشى ديرەكتورى دجەيمي دايمونمەن، Eurasia Group كومپانياسىنىڭ پرەزيدەنتى يان برەممەرمەن، S جانە P Global قارجىلىق- تالداۋ كومپانياسىنىڭ ۆيتسە- پرەزيدەنتى دەنيەل ەرگينمەن، اۆستراليانىڭ بۇرىنعى پرەمەر- ءمينيسترى كيەۆين راددپەن، سونداي- اق شەتەلدە تۇراتىن ءارى الەمنىڭ جەتەكشى تەحنولوگيالىق كومپانيالارىندا جۇمىس ىستەپ جاتقان 400 قازاقستاندىقتى بىرىكتىرەتىن Digital Nomads IT قوعامداستىعىنىڭ وكىلدەرىمەن، ەرام systems كومپانياسىنىڭ نەگىزىن قالاۋشى جانە ديرەكتورلار كەڭەسىنىڭ ءتوراعاسى اركاديي دوبكينمەن، Coursera كومپانياسىنىڭ باس ديرەكتورى دجەفف مادجيونكالمەن، Microsoft كومپانياسىنىڭ ورتالىق ازيا جانە شىعىس ەۋروپا بويىنشا باس مەنەدجەرى ميشەل سيممونسپەن كەزدەستى.
