ديماش بۇگىنگى جەكپە-جەگىنەن كەيىن گولوۆكيننىڭ قولىن الىپ، قولداۋ ءبىلدىردى

استانا. قازاقپارات - ديماش قۇدايبەرگەن بۇگىنگى جەكپە- جەگىنەن كەيىن گەننادي گولوۆكيننىڭ قولىن الىپ، قولداۋ ءبىلدىردى، دەپ حابارلايدى قازاقپارات ءتىلشىسى.

«ءبىز ءۇشىن سەن چەمپيونسىڭ جانە چەمپيون بولىپ قالا بەرەسىڭ!!! العا قازاقستان!» - دەپ جازدى ءانشى Instagram جەلىسىندەگى رەسمي پاراقشاسىندا.

ءبىر- بىرىنە زور قۇرمەت كورسەتكەن قازاقستاننىڭ قوس جۇلدىزىنا جەلى قولدانۋشىلارى دا ىزگى تىلەكتەرىن جاۋدىردى.

بۇعان دەيىن حابارلاعانىمىزداي، گەننادي گولوۆكيننىڭ ارنايى شاقىرتۋىمەن ديماش قۇدايبەرگەن GGG- Canelo ءۇشىنشى جەكپە- جەگى الدىندا مەملەكەتتىك ءانۇرانىمىزدى ورىنداپ، سپورتشىعا قولداۋ كورسەتكەن ەدى.

سونداي- اق، ءانشى جەرلەسىمىزدىڭ جەڭىسىنە سەنىم بىلدىرگەن بولاتىن.

الايدا، 12 راۋندتىق بوكس جەكپە- جەگى تورەشىلەردىڭ شەشىمى بويىنشا مەكسيكالىق ساۋل الۆارەستىڭ پايداسىنا شەشىلدى.

كاسىپقوي مانسابىنداعى ەڭ قاۋىپتى قارسىلاسى ساۋل الۆارەستەن ەكىنشى رەت جەڭىلىس تاپقانىنا، جاسىنىڭ 40-تا بولعانىنا قاراماستان، گەننادي گولوۆكين كاسىپقوي بوكستان ءالى كەتپەيتىنىن مالىمدەدى.

اۆتور

ايجان سەرىكجان قىزى