ديماش گولوۆكيننىڭ ارنايى شاقىرتۋىمەن ا ق ش- قا بارىپ، قازاقستان ءانۇرانىن ورىندايدى
«ەلىمىزدىڭ ءبىر تۋار سپورتشىسى گەننادي گولوۆكيننىڭ ارنايى شاقىرتۋىمەن 17- قىركۇيەك كۇنى لاس ۆەگاس قالاسىندا وتەتىن گەننادي گولوۆكين مەن مەكسيكالىق ساۋل الۆارەستىڭ 3-جەكپە-جەك الدىندا، ديماش قۇدايبەرگەن مەملەكەتتىك ءانۇرانىمىزدى ورىنداپ باتىرىمىزعا قولداۋ كورسەتۋ جوسپارلانۋدا»، - دەپ جازىلعان dimash.news سايتىنىڭ جەلىدەگى پاراقشاسىندا.
ايتا كەتسەك، جەكپە- جەك قازاقستان ۋاقىتى بويىنشا 18-قىركۇيەك كۇنى لاس-ۆەگاستا (ا ق ش، نيەۆادا) IBF جانە WBA بويىنشا الەم چەمپيونى گەننادي گولوۆكين مەن مەكسيكالىق ساۋل «كانەلو» الۆارەس اراسىنداعى ءۇشىنشى جەكپە- جەك وتەدى.
بوكس الەمىندە جىلدىڭ باستى جەكپە- جەگى سانالعان تريلوگيانى «Qazaqstan» جانە «Qazsport» ارنالارى تىكەلەي ەفيردەن كورسەتەدى.
جەكپە- جەك نۇر-سۇلتان ۋاقىتىمەن 18-قىركۇيەك كۇنى ساعات تاڭعى 05:00-دە باستالادى.
بوكسشىلار بۇل كەزدەسۋدە ەكىنشى ورتا سالماقتاعى ابسوليۋتتى الەم چەمپيونى اتاعىن ساراپقا سالادى.
