ديماش قۇدايبەرگەن دىندەر سەزى دەلەگاتتارىنىڭ الدىندا ونەر كورسەتتى
الەمدىك جانە ءداستۇرلى دىندەر ليدەرلەرى VII سەزىنىڭ رەسمي وكىلى نازىم جانعازينوۆانىڭ ايتۋىنشا، ءبىر ساحنادا ەسىمى الەمگە ايگىلى ونەر مايتالماندارى جينالدى.
ولاردىڭ اراسىندا ديماش قۇدايبەرگەن، قازاقستاننىڭ ەڭبەك سىڭىرگەن قايراتكەرلەرى ازامات جالتىرگوزوۆ، بيبىگۇل جانۇزاق، نۇربولات ارزاماس، ءجاميلا جارقىمبايەۆا، حالىقارالىق بايقاۋلاردىڭ لاۋرەاتى جاقسىكەلدى ماياساروۆ، پ. ي. چايكوۆسكي حالىقارالىق بايقاۋىنىڭ لاۋرەاتى اقبيكە العي بار. سونداي-اق شاراعا «استانا وپەرا» تەاترىنىڭ حورى، بالەت ترۋپپاسى مەن سيمفونيالىق وركەسترى، دومبىراشىلار انسامبلى، مەملەكەتتىك رەسپۋبليكالىق اكادەميالىق كورەي تەاترىنىڭ بي توبى، «استانا وپەرا» بالالار حورى، «استانا بالەت» تەاترى، «استانا سازى» انسامبلى جانە باسقا دا ءبىرقاتار بي ۇجىمدارى قاتىستى.
ديماش قۇدايبەرگەن كورەرمەنگە جاڭا سينگلىن ۇسىندى. بۇعان دەيىن حابارلاعانىمىزداي، «The story of one sky» («ءبىر اسپاننىڭ حيكاياسى») ءانى ادامداردى تاتۋلىققا ۇندەيدى. ءانشى ناسىلگە، ۇلتقا، دىنگە بولىنگەن حالىقتىڭ ءبارى ءبىر پلانەتانىڭ پەرزەنتى جانە ءبىر اسپان استىندا ءومىر ءسۇرىپ جاتقانىن ايتادى.
«ديماش بۇل شىعارمانى جازۋدى 3 جىل بۇرىن باستاعان بولاتىن. ۇلىم كومپوزيتسياعا بارىنشا جاۋاپكەرشىلىكپەن قارادى، بار ىنتاسىن سالدى. جاڭا تۋىندىنىڭ مۋزىكاسىنىڭ اۆتورى دا ءوزى. العاشىندا ىزگىلىك پەن تاتۋلىقتى تىڭدارمان بويىنا سىڭىرەتىن جىر جازۋ، حالىق بىرلىگىن كورسەتۋ كەرەك دەگەن وي عانا بولدى»، - دەپ اتاپ ءوتتى مۋزىكانتتىڭ اكەسى قانات ايتبايەۆ جاڭا ءان تۋرالى.
الەمدىك جانە ءداستۇرلى دىندەر ليدەرلەرىنىڭ VII سەزى وسى ۋاقىتتا ەلورداداعى تاۋەلسىزدىك سارايىندا ءوتىپ جاتىر.
