ۆەلومارافونشى احمەت بايتۇرسىن ۇلىنىڭ اۋىلىنان ىستانبۇلعا دەيىن جەتپەك
ۆەلومارافون احمەت بايتۇرسىن ۇلىنىڭ 150 جىلدىعىنا ارنالىپ وتىر. ول قوعام قايراتكەرىنىڭ تۋعان كۇنىندە جانە ونىڭ تۋعان جەرىندە باستالادى. اتاپ ايتقاندا، 5-قىركۇيەكتە اقكول اۋىلىندا باستالىپ، ىستانبۇلدا اياقتالادى. ەرنات 55 كۇندە 5555 شاقىرىمدى ءجۇرىپ وتپەك.
«بۇل ساپارعا جاز بويى دايىندالدىم. 700 مىڭ تەڭگەگە جاڭا ۆەلوسيپەد ساتىپ الدىم، ول جەڭىل ءارى جىلدام. سونداي- اق تيىمدىلىك پەن جىلدامدىقتى ارتتىرۋعا كومەكتەسەتىن ۆەلوسيپەد اياق كيىمىن ساتىپ الدىم. وزىممەن بىرگە الىپ جۇرگەن جۇكتىڭ جالپى سالماعى 30 ك گ قۇرايدى»، - دەدى ۆەلومارافونشى.
ەرنات ەلىمىزدىڭ ءتورت وبلىسىنىڭ (قوستاناي، اقتوبە، اتىراۋ، ماڭعىستاۋ) جانە ازەربايجان، گرۋزيا، تۇركيا اۋماقتارىمەن ءجۇرىپ وتەدى.
«ۆەلوسيپەدپەن ماڭعىستاۋ وبلىسىنا جەتەمىن. ول جەردەن قۇرعاق پورت ارقىلى باكۋگە دەيىن جول تارتامىن. سودان كەيىن ۆەلوسيپەدپەن ىستانبۇلعا قاراي جۇرەمىن. جولدا بايلانىس ناشار، ءبىراق مۇمكىندىگىمە قاراي ەڭسەرىلگەن جول مەن بولعان جەرلەر تۋرالى ءوزىمنىڭ الەۋمەتتىك جەلىلەردەگى پاراقشالارىمدا جازاتىن بولامىن»، - دەيدى ول.
ەكى ايلىق مارافوننىڭ نەگىزگى ماقساتى ۇلت ۇستازى احمەت بايتۇرسىن ۇلىنىڭ شىعارماشىلىعىن، اباي قۇنانباي ۇلىنىڭ Tolyq Adam تۇجىرىمداماسىن دارىپتەۋ بولىپ تابىلادى. سونداي-اق ۆەلوجارىس قازاقستان مەن ازەربايجان، گرۋزيا مەن تۇركيا اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا ورايلاستىرىلعان.
ەسكە سالا كەتەيىك، وسى جىلدىڭ اقپان ايىندا ەرنات 9 ساعات 56 مينۋت ىشىندە 150 شاقىرىمدى ۆەلوسيپەدپەن ءجۇرىپ وتكەن بولاتىن. ۆەلوشەرۋ قازاقستاننىڭ رەكوردتار كىتابىنا العاشقى قىسقى ۆەلومارافون رەتىندە ەندى.
