اۋىل مۇعالىمى «بولاشاق» باعدارلاماسىمەن ا ق ش ۋنيۆەرسيتەتىنىڭ دوكتورانتۋراسىنا ءتۇستى

نۇر-سۇلتان. قازاقپارات - الماتى وبلىسىنىڭ جىبەك جولى اۋىلىنداعى ورتا مەكتەپتىڭ ماتەماتيكا ءپانى مۇعالىمى مارجان ەرجان «بولاشاق» باعدارلاماسىمەن ا ق ش- تا دوكتورانتۋرادا وقيتىن بولادى.

بۇل تۋرالى «حالىقارالىق باعدارلامالار ورتالىعى» ا ق ءمالىم ەتتى، دەپ حابارلايدى قازاقپارات.

ورتالىقتىڭ باسپا ءسوز قىزمەتى تاراتقان اقپاراتقا سايكەس، «بولاشاق» ستيپەندياتى وڭتۇستىك كاليفورنيا ۋنيۆەرسيتەتىندە ءبىلىم سالاسىنداعى باسقارۋدى زەرتتەيدى.

«اتا-انامنىڭ جولىن قۋىپ، ۇستاز بولسام دەگەن ارمان پايدا بولدى. اۋىل مەكتەبىندە ماتەماتيكادان ساباق بەرەمىن، كوپبالالى وتباسىدان شىققان بالالارعا اعىلشىن ءتىلىن تەگىن ۇيرەتەمىن. ءوزىم دە اۋىل مەكتەبىن ءبىتىردىم. شەتەلدە وقۋعا مۇمكىندىگىم بولادى دەپ ويلاماپپىن. «بولاشاق» باعدارلاماسىنىڭ ارقاسىندا وتانداستارىمىزعا الەمنىڭ ۇزدىك جوعارى وقۋ ورىندارىندا اكادەميالىق ءبىلىم مەڭگەرىپ، عىلىمي دارەجە الۋعا مۇمكىندىك تۋدى. ا ق ش- تىڭ دوكتورانتۋراسىن بىتىرگەننەن كەيىن ەلىمىزدىڭ ءبىلىم سالاسىن دامىتۋعا ءوز ۇلەسىمدى قوسقىم كەلەدى»، - دەپ اتاپ ءوتتى مارجان ەرجان.

«بولاشاق» حالىقارالىق ستيپەندياسى جۇزەگە اسىرىلىپ كەلە جاتقان 29 جىل ىشىندە ءبىلىم سالاسى ءۇشىن 1058 مامان شەتەلدە دايارلاندى. قازىرگى تاڭدا ولار باستاۋىش، ورتا، جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا جۇمىس ىستەيدى.

ەسكە سالا كەتسەك، 14- قازانعا دەيىن eGov.kz مەملەكەتتىك قىزمەتتەر پورتالى ارقىلى «بولاشاق» باعدارلاماسىمەن اكادەميالىق وقۋ مەن تاعىلىمدامادان وتۋگە قۇجاتتار قابىلدانادى.

سونداي-اق، بۇدان بۇرىن «بولاشاق» حالىقارالىق ستيپەندياسى يەگەرلەرىنىڭ ءتىزىمى جاريالانعان بولاتىن.