كەلەسى جىلى ۇ ب ت تاپسىرۋدا وزگەرىستەر بولادى
وسىلايشا، 2023 -جىلى مەكتەپ بىتىرۋشىلەر اتالعان پاننەن 20 تاپسىرما ورىندايدى. ەنگىزىلگەلى وتىرعان وزگەرىس تۋرالى حابارلاما ۇلتتىق تەستىلەۋ ورالىعىنىڭ رەسمي تەlegram ارناسىندا جاريالاندى، دەپ حابارلايدى قازاقپارات ءتىلشىسى.
«بيىل تۇلەكتەردىڭ جانە ساراپشىلاردىڭ پىكىرىن ەسكەرە وتىرىپ، «قازاقستان تاريحى» جانە «وقۋ ساۋاتتىلىعى» پاندەرى بويىنشا وزگەرىستەر ەنگىزىلدى.
كەلەسى جىلدان باستاپ ۇبت تاپسىراتىن تالاپكەرلەردىڭ ءبىلىمىن تەرەڭ باعالاۋ ماقساتىندا «قازاقستان تاريحى» ءپانىنىڭ ءبىر نۇسقاسىندا 20 تەست تاپسىرماسى (20 بالل) بولادى. وندا 1-دەن 10-عا دەيىن ءبىر دۇرىس جاۋاپتى نۇسقاسى بار تەست تاپسىرمالارى، ال 11-دەن 20-عا دەيىن كونتەكستكە نەگىزدەلگەن تاپسىرمالار (5 سۇراقتان 2 كونتەكستىك ءماتىن) ەنگىزىلەدى.
«وقۋ ساۋاتتىلىعى» تەست تاپسىرمالارىنىڭ سانى مەن فورماسى دا وزگەرەدى. ەندى تالاپكەرلەرگە 3 ءماتىن بويىنشا 15 تەست سۇراعى (15 بالل) بەرىلەدى»، - دەلىنگەن حابارلامادا.
ۇلتتىق تەستىلەۋ ورتالىعىنىڭ دەرەگىنشە، كەلەسى جىلى ءبىر دۇرىس جاۋابى بار تەست تاپسىرمالارىنداعى نۇسقالار سانى 5-تەن 4-كە دەيىن قىسقارادى. ال ءبىر نەمەسە بىرنەشە دۇرىس جاۋابى بار تەست تاپسىرمالارىنداعى نۇسقالار 8-دەن 6-عا دەيىن ازايادى.
اۆتور ءاليحان اسقار
