احمەت بايتۇرسىن ۇلى تۋرالى فيلمنىڭ پرەمەراسى ءوتتى
«ۇلتتىڭ رۋحاني كوسەمى» كينوكارتيناسى قازاقستان حالقىنىڭ تىلدەرى كۇنىنە ارنالعان مەرەكەدە كوپشىلىككە ۇسىنىلدى. فيلم احمەت بايتۇرسىن ۇلىنىڭ قارقارالى اۋدانىنداعى ءومىرى مەن جۇمىسى تۋرالى باياندايدى. ءتۇسىرىلىم اقتەرەك اۋىلىندا ءوتتى.
«دەرەكتى فيلم - مادەنيەت، ارحيۆتەر جانە قۇجاتتاما جانە تىلدەردى دامىتۋ باسقارمالارىنىڭ، Saryarqa تەلەارناسى مەن ءبىزدىڭ كينوتەاتردىڭ بىرلەسكەن جوباسى. فيلمدە احمەت بايتۇرسىن ۇلىنىڭ وسى اۋىلدىڭ مەكتەبىندە ساباق بەرگەن كەزىندەگى ءومىرى كورسەتىلگەن. ول سونىمەن قاتار وسى وقۋ ورنىنىڭ نەگىزىن قالاۋشى جانە قۇرۋشىسى. قازىر بۇل مەكتەپ تاريحي- مادەني مۇرا وبەكتىسى مارتەبەسىن الدى جانە مەملەكەتتىڭ قورعاۋىندا. ال جانىندا احمەت بايتۇرسىنوۆتىڭ ەسىمىمەن اتالاتىن جاڭا مەكتەپ سالىندى»، - دەدى «سارىجايلاۋ» كينوتەاترى ديرەكتورىنىڭ ورىنباسارى نويان ءجۇنىسوۆ.
ەكى كۇنگە سوزىلعان تۇسىرىلىمگە اقتەرەك اۋىلىنىڭ تۇرعىندارى قاتىستى. ولاردىڭ قاتارىندا احمەت بايتۇرسىن ۇلى اتىنداعى مەكتەپتىڭ مۇعالىمدەرى مەن بالالارى بار. سونداي-اق، س. سەيفۋللين اتىنداعى قاراعاندى وبلىستىق قازاق تەاترىنىڭ كاسىبي اكتەرلەرى تارتىلدى. احمەت بايتۇرسىن ۇلىنىڭ ءرولىن احاي جۇمامۇراتوۆ وينادى.
جاقىن ارادا 30 مينۋتتىق كارتينا Saryarqa تەلەارناسىندا كورسەتىلەدى جانە باسقارمالاردىڭ الەۋمەتتىك جەلىلەرىندە قولجەتىمدى بولادى. «سارىجايلاۋ» كينوتەاترى بۇل فيلممەن اقتەرەك اۋىلىنا بارادى.
