قازگيدرومەت ەسكەرتۋ جاسادى
6-8- قىركۇيەكتە الماتى وبلىسىنىڭ باسىم بولىگىندە جانە الماتى قالاسىنىڭ ماڭايىندا توتەنشە ءورت قاۋپى ساقتالادى.
الماتى وبلىسىنىڭ سولتۇستىگىندە جانە وڭتۇستىگىندە 35-38 گرادۋس قاتتى ىستىق كۇتىلەدى.
اتىراۋ وبلىسىنىڭ سولتۇستىگىندە، شىعىسىندا نايزاعاي كۇتىلەدى. سولتۇستىك-باتىستان جەل سوعادى، كۇندىز وبلىستىڭ سولتۇستىگىندە، شىعىسىندا، ورتالىعىندا ەكپىنى 15-20 م/س جەتەدى.
جەتىسۋ وبلىسىنىڭ سولتۇستىك- شىعىسىندا سولتۇستىك-شىعىستان جەل سوعادى، ەكپىنى 17-22 م/س كۇتىلەدى، 35-37 گرادۋس قاتتى ىستىق بولادى.
قوستاناي وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي كۇتىلەدى. سولتۇستىك-شىعىستان، سولتۇستىكتەن جەل سوعادى، وبلىستىڭ سولتۇستىگىندە، وڭتۇستىگىندە، باتىسىندا ەكپىنى 15-20 م/س.
اقمولا وبلىسىنىڭ سولتۇستىگىندە، شىعىسىندا، وڭتۇستىگىندە نايزاعاي جارقىلدايدى. سولتۇستىك-باتىستان سوعاتىن جەل وڭتۇستىك-شىعىسقا اۋىسادى، وبلىستىڭ سولتۇستىگىندە، باتىسىندا ەكپىنى 15-20، كۇندىز كەي ۋاقىتتاردا 25 م/س جەتەدى.
شىعىس قازاقستان وبلىسىنىڭ باسىم بولىگىندە قاتتى ىستىق 35-37 گرادۋس كۇتىلەدى.
قىزىلوردا وبلىسىندا جەل باتىستان، سولتۇستىك-باتىستان سوعادى، كۇندىز وبلىستىڭ ورتالىعىندا كۇشى 15-20 م/س كۇتىلەدى. كۇندىز 40 گرادۋس قاتتى ىستىق كۇتىلەدى. توتەنشە ءورت قاۋپى ساقتالادى.
اباي وبلىسىنىڭ باسىم بولىگىندە قاتتى ىستىق 35-37 گرادۋس كۇتىلەدى. وبلىستىڭ وڭتۇستىگىندە، شىعىسىندا توتەنشە ءورت قاۋپى ساقتالادى.
باتىس قازاقستان وبلىسىنىڭ باتىسىندا نايزاعاي كۇتىلەدى. جەل سولتۇستىك-باتىستان سوعادى، كۇندىز وبلىستىڭ باتىسىندا ەكپىنى 15-20 م/س.
اقتوبە وبلىسىنىڭ وڭتۇستىگىندە نايزاعاي كۇتىلەدى. سولتۇستىك-باتىستان جەل سوعادى، وبلىستىڭ سولتۇستىگىنە، شىعىسىندا، ورتالىعىندا ەكپىنى 15-20 م/س كۇتىلەدى. وبلىس بويىنشا توتەنشە ءورت قاۋىپى ساقتالادى.
ماڭعىستاۋ وبلىسىنىڭ باتىسىندا قاتتى جاڭبىر كۇتىلەدى. وبلىستىڭ باتىسىندا، سولتۇستىگىندە، شىعىسىندا نايزاعاي كۇتىلەدى. كۇندىز وبلىستىڭ ورتالىعىندا شاڭدى داۋىل كۇتىلەدى. سولتۇستىك- باتىستان جەل سوعادى، وبلىستىڭ باتىسىندا، سولتۇستىك-شىعىسىندا، ورتالىعىندا ەكپىنى 15-20 م/س كۇتىلەدى.
تۇركىستان وبلىسىنىڭ باتىسىندا، تاۋلى اۋداندارىندا شىعىستان جەل سوعادى، كۇشى 15-20 م/س كۇتىلەدى. وبلىستىڭ باسىم بولىگىندە توتەنشە ءورت قاۋىپى ساقتالادى.
پاۆلودار وبلىسىندا وڭتۇستىكتەن سوعاتىن جەل سولتۇستىك- شىعىسقا اۋىسادى، كۇشى وبلىستىڭ سولتۇستىگىندە، وڭتۇستىگىندە 15-20 م/س كۇتىلەدى. كۇندىز وبلىستىڭ وڭتۇستىگىندە 35-36 گرادۋس قاتتى ىستىق بولجانادى.
قاراعاندى وبلىسىنىڭ باتىسىندا جانە وڭتۇستىگىندە 35-39 گرادۋس قاتتى ىستىق ساقتالادى. وبلىستىڭ باتىسىندا، وڭتۇستىگىندە جانە شىعىسىندا توتەنشە ءورت قاۋپى ساقتالادى.
6- قىركۇيەكتە كۇندىز ۇلىتاۋ وبلىسىنىڭ باسىم بولىگىندە 35-38 گرادۋس قاتتى ىستىق ساقتالادى. شىعىس جەلى، كۇندىز وبلىستىڭ سولتۇستىگىندە ەكپىنى 18 م/س. وبلىستىڭ باسىم بولىگىندە توتەنشە ءورت قاۋپى ساقتالادى.
سولتۇستىك قازاقستان وبلىسىنىڭ باسىم بولىگىندە جاڭبىر كۇتىلەدى. وبلىستىڭ سولتۇستىگىندە، وڭتۇستىك- شىعىسىندا نايزاعاي كۇتىلەدى. سولتۇستىك- شىعىستان جەل سوعادى، تۇندە 15-20، ەكپىنى 23-28 م/س، كۇندىز وبلىستىڭ وڭتۇستىك-شىعىسىندا ەكپىنى 15-20 م/س جەتەدى.
