قازاقستان پرەزيدەنت وركەسترى بۋرسانى تاڭعالدىردى
بۋرسا قالاسىنداعى حۋداۆەنديگيار اتىنداعى ورتالىق ساياباقتا كونسەرت ءوتتى، وندا بەس ەلدەن - قازاقستان، ازەربايجان، مولداۆيا، گاگاۋزيا جانە تۇركيادان ون وركەستر ونەر كورسەتتى. ولاردىڭ ءارقايسىسى كوپتەگەن ۇلتتىق، كلاسسيكالىق جانە زاماناۋي مۋزىكالىق شىعارمالاردى ورىندادى. بۇل رەتتە مولداۆيادان كەلگەن مۋزىكالىق ۇجىمدى بي توبى سۇيەمەلدەدى.
وركەسترلەر اراسىندا قازاقستان مۋزىكانتتارى تۇرىك كورەرمەنىنىڭ نازارىن ەرەكشە اۋداردى. ولار ۇلتتىق، الەمدىك جانە تۇرىك شىعارمالارىن، سونداي-اق تانىمال اندەردىڭ كاۆەر-نۇسقالارىن ورىندادى. سونىمەن قاتار، «دينلە» تۇرىك كومپوزيتسياسى كورەرمەننىڭ ەرەكشە كوڭىلىنەن شىقتى، ول «تىڭداڭىز» دەگەندى بىلدىرەدى. تۇركيا كورەرمەندەرى قازاقستاننان كەلگەن ارتىستەرمەن بىرگە ءان ايتىپ، ورىندارىنان تۇرىپ قوشەمەت كورسەتتى.
سونىمەن قاتار، پرەزيدەنت وركەسترى تانىمال كومپوزيتورلاردىڭ «قازاق ەلى»، «قازاق ءۆالسى»، «ازيا داۋىسى»، «سالتاناتتى شەرۋ» اتتى شىعارمالارىن، «سۇگىردىڭ تەرمەسى» مەن «قازاق سۋۆەنيرى» حالىق اندەرىن ورىندادى.
قازاقستاننىڭ پرەزيدەنت ۇرمەلى وركەسترىنە قۇرمەت بەيسەمبايەۆ ديريجەرلىك ەتتى.
اۆتور اقبوپە ءابدراسۋل
