قازاقستان وزبەكستانعا ازىق-تۇلىك جەتكىزۋدە كوش باستاپ تۇر
وزبەكستان رەسپۋبليكاسى مەملەكەتتىك ستاتيستيكا كوميتەتىنىڭ مالىمەتىنشە، قاڭتار-شىلدە ايلارىندا قازاقستان جالپى يمپورتتاعى 37 پايىز ۇلەسىمەن ازىق-تۇلىك ونىمدەرىن جەتكىزەتىن نەگىزگى ەلدەر تىزىمىندە ءبىرىنشى ورىندى ساقتاپ قالدى.
وتكەن جىلدىڭ سايكەس كەزەڭىمەن سالىستىرعاندا، قازاقستاندىق ءونىمدى ساتىپ الۋ 1,4 ەسە ءوسىپ، قارجىلىق كورسەتكىشتەر 499,3 ميلليون دوللاردان 698,9 ميلليون دوللارعا دەيىن ءوستى.
ۆەدومستۆو مالىمەتىنشە، قازاقستاننان ءبيداي يمپورتى 344,9 ميلليون دوللاردان 422,4 ميلليون دوللارعا (1,2 ەسە)، ءبيداي ۇنى 45,9 ميلليون دوللاردان 68,5 ميلليون دوللارعا (1,5 ەسە)، وسىمدىك مايى 43,6 ميلليون دوللاردان 62,5 ميلليون دوللارعا (1,4 ەسە)، مارگارين جانە ماي - 2,6 ميلليون دوللاردان 35,5 ميلليون دوللارعا دەيىن (13,2 ەسە)، ەت - 10,2 ميلليون دوللاردان 39,6 ميلليون دوللارعا دەيىن (3,9 ەسە) ءوستى.
يمپورتتاۋشى ەلدەردىڭ بەستىگىنە سونداي-اق رەسەي - %24,6 (يمپورتتىڭ جالپى كولەمىنەن)، برازيليا - %13,8، بەلارۋس - %4,3، پاكىستان - %2,7 كىردى.
بۇعان دەيىن وزبەكستاندا يمپورتتالاتىن ۇننىڭ 95 پايىزدان استامى قازاقستاندىق ونىمدەرگە تيەسىلى ەكەنى حابارلانعان بولاتىن.
