بولاشاق باعدارلاماسى: تاعىلىمدامادان وتەتىن ب ا ق وكىلدەرىنىڭ شەتەلدەگى شىعىندارى وتەلەدى
بۇل تۋرالى «حالىقارالىق باعدارلامالار ورتالىعى» ا ق كونكۋرستىق راسىمدەردى ۇيىمداستىرۋ باسقارماسىنىڭ باس مەنەدجەرى گۇلزات اسانبايەۆا ايتتى، دەپ حابارلايدى قازاقپارات ءتىلشىسى.
وسى ورايدا ول «بولاشاق» ارقىلى تاعىلىمدامادان وتكەن كەزدە قانداي شىعىندار وتەلەتىنىن ايتتى.
«بىزدە تاعىلىمداما باعدارلاماسىنان بولەك، اكادەميالىق وقۋعا باراتىن ۇمىتكەرلەر دە بار، ياعني ماگيستراتۋرا مەن دوكتورانتۋرا قامتىلعان. وسى ورايدا تاعىلىمداما مەن اكادەميالىق وقۋعا باراتىنداردىڭ وقۋى مەن جول شىعىنى، تۇرعىلىقتى جەرى مەن تاماعى، ۆيزاسى، مەديتسينالىق ساقتاندىرۋعا كەرەك تولەمدەرى وتەلەدى. تالاپتارعا سايكەس كونكۋرستان ءوتىپ، قۇجاتتارىن تاپسىرسا، اتالعان شىعىنداردىڭ بارلىعى تولەنەدى»، - دەدى گ. اسانبايەۆا.
بۇدان بۇرىن حابارلانعانداي، «بولاشاق» باعدارلاماسى بويىنشا جۋرناليستەر، رەجيسەرلەر، وپەراتورلار، گرافيستەر الەمنىڭ جەتەكشى شەتەلدىك ۇيىمدارى مەن ج و و- لارىندا «وپەراتورلىق ونەر»، «رەجيسسۋرا»، «جۋرناليستيكا»، «ۆيزۋالدى اسەرلەر. 3d انيماتسيا» جانە ت. ب. ماماندىقتار بويىنشا بىلىكتىلىگىن ارتتىرۋعا مۇمكىندىگى بار.
تاعىلىمدامادان وتۋگە ۇمىتكەرلەردىڭ جالپى جۇمىس ءوتىلى ءۇش جىلدان كەم ەمەس بولۋى ءتيىس، سونىڭ ىشىندە سوڭعى 12 ايدا تاڭداعان ماماندىعى بويىنشا جۇمىس ىستەۋى ءتيىس.
تاعىلىمدامادان وتۋگە ۇمىتكەرلەر كەپىلگە مۇلىك ۇسىنبايدى. مىندەتتەمەلەردى ورىنداۋ ءۇشىن كەپىلدەمە بەرگەن ەكى ادامدى ۇسىنۋ عانا جەتكىلىكتى. گارانت رەتىندە سوڭعى 12 ايدا تۇراقتى تابىسى بار 50 جاسقا دەيىنگى قازاقستان ازاماتتارى بولا الادى.
