ارىستانبەك مۇحامەدي ۇلىنىڭ مينيستر بولعان كەزدەگى ارەكەتتەرى تەرگەلىپ جاتىر - اگەنتتىك
تەرگەۋ «التىن ادامنىڭ الەم مۇراجايلارى بويىنشا شەرۋى» حالىقارالىق كورمەسىن وتكىزۋگە، سونداي- اق «قازاقستاننىڭ ۇلتتىق كيەلى نىساندارى مەن مۋزەي قورلارىن جالپى مەملەكەتتىك فوتوگراممەتريالىق D3- سكانەرلەۋ» جانە «قازاقستان رەسپۋبليكاسىنىڭ ۇلتتىق سيفرلىق كينوكوللەكسياسىن سيفرلاندىرۋ» جوبالارىنا بولىنگەن بيۋدجەت قاراجاتىن ۇرلاۋ فاكتىلەرى بويىنشا جۇرگىزىلۋدە.
بۇدان باسقا، ا. مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە «سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى» ر م ق ك، «قازاق ەنسيكلوپەدياسى» ا ق جانە «قازاق عىلىمي- زەرتتەۋ مادەنيەت ينستيتۋتى» ج ش س زاڭسىز بەرۋگە قاتىستىلىعى تەكسەرىلىپ جاتىر.
تەرگەلىپ جاتقان قىلمىستىق ىستەر بويىنشا مەملەكەتكە كەلتىرىلگەن زالالدىڭ الدىن الا سوماسى شامامەن 7 ميلليارد تەڭگەنى قۇرايدى.
ا. مۇحامەدي ۇلىنىڭ قاماۋدا ۇستاۋ مەرزىمى 4 ايعا دەيىن، ياعني اعىمداعى جىلدىڭ 26- قىركۇيەگىنە دەيىن ۇزارتىلدى.
تەرگەۋ جالعاسۋدا.
ەسكە سالساق، بۇعان دەيىن ق ر ۇلتتىق مۋزەيى ديرەكتورى جانە بۇرىنعى ق ر مادەنيەت جانە سپورت ءمينيسترى ارىستانبەك مۇحامەدي ۇلىن قاماۋدا ۇستاۋ مەرزىمى تاعى 1 ايعا ۇزارتىلدى.
