قازاقستاندا ءبىلىمدى قوعام مادەنيەتىن قالىپتاستىرۋ تۇجىرىمداسى ازىرلەنەدى
«ەندىگى مەملەكەتتىك ساياساتتىڭ باستى مىندەتى - «جاڭا قازاقستاندى» قۇرۋ. جاڭا ەكونوميكالىق ساياساتتى ىسكە اسىرىپ، حالىق تابىسىن ارتتىرۋ. بۇل ءبىرى- بىرىمەن تىعىز ۇشتاسىپ جاتقان مىندەتتەر. ونى ناتيجەلى ىسكە اسىرۋدا ازاماتتاردىڭ ءبىلىم دەڭگەيى مەن مادەنيەتى شەشۋشى ءرول اتقارادى. سوندىقتان ءبىلىم سالاسىنىڭ الدىندا تۇرعان باستى ماقسات - ءبىلىمدى قوعام مادەنيەتىن قالىپتاستىرۋ. وتاندىق جوعارى وقۋ ورىندارىندا ءبىلىم الۋشىلار بويىنا ءبىلىم مەن بىلىكتىلىككە قۇشتارلىقتى، ەڭبەكسۇيگىشتىكتى، قوعام الدىنداعى جاۋاپكەرشىلىكتى قالىپتاستىرۋ جەتەكشى ورىنعا يە بولۋى ءتيىس»، - دەدى ق ر پرەمەر- ءمينيسترىنىڭ ورىنباسارى ەرالى توعجانوۆ ەلوردادا ءوتىپ جاتقان «ادامي كاپيتال - جاڭا قازاقستان دامۋىنىڭ نەگىزگى رەسۋرسى» اتتى عىلىم جانە جوعارى ءبىلىم فورۋمىندا.
ونىڭ ايتۋىنشا، ستۋدەنتتەردىڭ ءبىلىمىن باعالاۋدان بولەك، ولاردىڭ تۇلعالىق، ادامگەرشىلىك تۇرعىدان دامۋ دەڭگەيىن دە ەسكەرۋى ءتيىس.
«قۇندىلىققا نەگىزدەلگەن وقىتۋ - قوعام الدىنداعى جوعارى الەۋمەتتىك جاۋاپكەرشىلىگى بار تۇلعا قالىپتاستىرۋعا مۇمكىندىك بەرەدى. وسى ورايدا عىلىم جانە جوعارى ءبىلىم مينيسترلىگىنە مۇددەلى مەملەكەتتىك ورگاندارمەن، اكادەميالىق قاۋىمداستىقپەن بىرگە «ءبىلىمدى قوعام مادەنيەتىن قالىپتاستىرۋ تۇجىرىمداماسىن» ازىرلەۋدى تاپسىرامىن»، - دەيدى ول.
سونداي- اق، پرەمەر- ءمينيستردىڭ ورىنباسارى جوعارى وقۋ ورىندارىنىڭ ساپالى كادر دايارلاۋدا جاۋاپكەرشىلىكتىڭ ارتىپ وتىرعانىن ەرەكشە ايتتى.
«وزدەرىڭىزگە كەيبىر ۋنيۆەرسيتەتتەرگە اكادەميالىق ەركىندىك بەرىلدى. الايدا، جوعارى وقۋ ورىندارىنىڭ دامۋىن ءاردايىم مينيسترلىك باقىلاۋىندا ۇستاۋ ماڭىزدى. وسىعان بايلانىستى ۋنيۆەرسيتەتتەر قىزمەتىن باعالاۋدىڭ جاڭا كريتەرييلەرى ازىرلەنەتىن بولادى»، - دەدى ە. توعجانوۆ.
