قايرات ساتىبالدى ۇلىنىڭ ىسىنە قاتىستى سوتقا دەيىنگى تەرگەۋ اياقتالدى
بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى حابارلادى.
ءىس بويىنشا كۇدىكتىلەردىڭ بەسەۋى ءوتىپ جاتىر، ولاردىڭ بىرەۋى قاماۋدا، ەكەۋى - ءۇي قاماقتا.
تەرگەۋ بارىسىندا زاڭسىز ساتىپ الىنعان اكتيۆتەر مەن ايىپتالۋشىلاردىڭ جالپى سوماسى 240 ميلليارد تەڭگەدەن استام نەمەسە 500 ميلليون ا ق ش دوللارىنان استام اقشالاي قاراجاتى مەملەكەتكە قايتارىلدى.
ساتىبالدى ۇلىنا قاتىستى سالىق پەن كەدەندىك تولەمدەردى تولەۋدەن جالتارۋ، قىلمىستىق كىرىستەردى زاڭداستىرۋ فاكتىلەرى بويىنشا قىلمىستىق ىستەر قوسىمشا تەرگەلۋدە.
ايىپتالۋشىلاردىڭ باسقا دا زاڭسىز اكتيۆتەرىن ىزدەۋ بەلسەندى تۇردە جالعاسۋدا.
ەلدە جانە شەتەلدە قوسىمشا جىلجىمايتىن مۇلىك، اۆتوموبيلدەر جانە جالپى سوماسى 400 ميلليارد تەڭگەدەن استام نەمەسە 900 ميلليون ا ق ش دوللارىنان استام اقشالاي قاراجات ورناتىلىپ، جاقىن ارادا مەملەكەتكە قايتارىلاتىن بولادى.
