قاسىم-جومارت توقايەۆ ازەربايجان پرەزيدەنتىن «التىن قىران» وردەنىمەن ماراپاتتادى

باكۋ. قازاقپارات - قازاقستان پرەزيدەنتى قاسىم-جومارت توقايەۆ ازەربايجان مەملەكەتىنىڭ باسشىسىن «التىن قىران» وردەنىمەن ناگرادتاۋ تۋرالى جارلىققا قول قويدى.

قازاقپارات بۇل تۋرالى اقوردانىڭ باسپا ءسوز قىزمەتىنە سىلتەمە جاساپ حابارلايدى.

مەملەكەت باسشىسى قاسىم-جومارت توقايەۆ قازاقستان رەسپۋبليكاسى مەن ازەربايجان رەسپۋبليكاسى اراسىنداعى ەكىجاقتى ساياسي، ەكونوميكالىق جانە مادەني قاتىناستاردى نىعايتۋعا جانە دامىتۋعا قوسقان ايرىقشا ۇلەسى ءۇشىن ازەربايجان رەسپۋبليكاسىنىڭ پرەزيدەنتى يلحام اليەۆتى «التىن قىران» وردەنىمەن ناگرادتاۋ تۋرالى جارلىققا قول قويدى.

جارلىقتىڭ تولىق ءماتىنى

* * *

ي. گ. اليەۆتى «التىن قىران» وردەنىمەن ناگرادتاۋ تۋرالى

2022-جىلعى 24- تامىز

قاۋلى ەتەمىن:

1. قازاقستان رەسپۋبليكاسى مەن ازەربايجان رەسپۋبليكاسى اراسىنداعى ەكىجاقتى ساياسي، ەكونوميكالىق جانە مادەني قاتىناستاردى نىعايتۋعا جانە دامىتۋعا قوسقان ايرىقشا ۇلەسى ءۇشىن ازەربايجان رەسپۋبليكاسىنىڭ پرەزيدەنتى يلحام گەيدار وگلى اليەۆ «التىن قىران» وردەنىمەن ناگرادتالسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق. توقايەۆ

نۇر-سۇلتان، اقوردا، 2022-جىلعى 23- تامىز

989№