قازاقستاندا عىلىمي قىزمەتكەرلەر جەتىسپەيدى - ساياسات نۇربەك

نۇر-سۇلتان. قازاقپارات - ەلىمىزدىڭ عىلىمي- زەرتتەۋ ينستيتۋتتارىندا جۇمىس ىستەيتىن ماماندار تاپشى.

بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى، دەپ حابارلايدى قازاقپارات ءتىلشىسى.

«بىزدە قازىر عىلىمي كادرلار جەتىسپەيدى. ەگەر تاۋەلسىزدىك العان جىلدارى 52 مىڭعا جۋىق عىلىمي قىزمەتكەر بولعان. ودان بەرى ءبىز 35 مىڭ ماماننان ايرىلدىق. قازىر ەلىمىزدەگى جوعارى وقۋ ورىندارى بازاسىنداعى عىلىمي-زەرتتەۋ ينستيتۋتتارىندا 22 مىڭ عىلىمي قىزمەتكەر جۇمىس ىستەيدى. ءبىزدىڭ مىندەتىمىز - جاستاردى قولدانبالى عىلىمعا تارتۋ»، - دەدى مينيستر.

سونداي-اق ۆەدومستۆو باسشىسى عىلىمدى قارجىلاندىرۋ جۇيەسى قايتا قارالاتىنىن ايتتى.

«كوپ بولماسا دا، عىلىمعا اقشا بولىنەدى. ءبىراق ولاردىڭ ناتيجەسى ءتيىمدى ەمەس. ونى ءبىز مويىندايمىز. عىلىمعا قاراجات بولىنگەسىن، ونى وندىرىسكە ەنگىزۋ قاجەت. سوندىقتان ءبىز قارجىلىق جانە ۇيىمداستىرۋ مودەلىن قايتا قاراۋىمىز كەرەك»، - دەپ جوسپارلارىمەن ءبولىستى ساياسات نۇربەك.

ەسكە سالايىق، بۇعان دەيىن مينيستر ەندى جوعارى وقۋ ورىندارى مەن كاسىپتىك ءبىلىم بەرەتىن ۇيىمدار جاڭا وقۋ باعدارلاماسىن بولجامسىز جاساي ايلمايتىنىن مالىمدەدى. ساياسات نۇربەكتىڭ پىكىرىنشە، ءبىلىم وردالارى ەڭبەك نارىعىنداعى مامان تاپشىلىعى ماسەلەسىن ەسكەرۋى ءتيىس.