قۇتلىق ەلتەرىس قاعان كەشەنىنەن «تۇرىك» دەگەن جازۋ تابىلدى - دارحان قىدىرالى
«بۇگىن سىزدەرمەن ءبىزدىڭ جازۋ مادەنيەتىمىزدىڭ تاريحىن تەرەڭدەتەتىن، العاش رەت «تۇرىك» دەگەن ءسوز كەزدەسەتىن كۇلتەگىن مەن بىلگە قاعاننىڭ اكەسى قۇتلىق قاعانعا بايلانىستى ۇلكەن جاڭالىقتى بولىسكەلى وتىرمىز»، - دەپ باستادى حالىقارالىق تۇركى اكادەمياسىنىڭ پرەزيدەنتى دارحان قىدىرالى.
سونداي- اق، اكادەميا تاراپىنان موڭعوليا جەرىندەگى تۇركى مۇراسىن ىزدەستىرۋ جۇمىستارى 2015 -جىلدان باستاۋ الاتىنىن، پاندەميا كەزىندە سايابىر تارتقان جۇمىستار قايتا جاندانعانىن ەسكە سالىپ ءوتتى.
«بۇل - ۇلكەن جاڭالىق. كۇلتەگىن مەن بىلگە قاعاننىڭ كەشەنى تابىلعان كەز بەن ارادا وتكەن عاسىرعا جۋىق ۋاقىتتان بەرگى ەڭ ۇلكەن جاڭالىقتىڭ ءبىرى دەپ ەسەپتەيمىز جانە ءبىزدىڭ تاريحىمىزعا زور ۇلەسى بولاتىنىنا ەشقانداي داۋ جوق. بۇل - ەكسپەديتسيادا تابىلىپ وتىرعان ۇلكەن ولجا»، - دەدى اكادەميا پرەزيدەنتى.
ايتا كەتەيىك، موڭعوليا جەرىندەگى نومعون ەكسپەديتسياسى 2019 -جىلى باستالعان. پاندەميادان كەيىن قايتا جاندانعان ەكسپەديتسيا بيىل قۇندى ولجا تاۋىپ وتىر. كۇلتەگىن مەن بىلگە قاعاننىڭ اكەسى، تۇرىك قاعاندىعىن قايتا جاڭعىرتۋشى ۇلى قۇتلىق ەلتەرىس قاعاننىڭ كەشەنى تابىلدى.
ەسكە سالساق، كەشە تۇرىك قاعاندىعىن قايتا داۋىرلەتكەن ۇلى قۇتلىق ەلتەرىس قاعاننىڭ كەشەنى تابىلعانى حابارلانعان بولاتىن.
