ەگدە جاستا ءومىردى ۇزارتۋدىڭ ءادىسى اتالدى

استانا. قازاقپارات - امەريكالىق عالىمدار ەگدە جاستا ءومىردى ۇزارتۋدىڭ ءتيىمدى ءادىسىن تاپتى.

ماماندار جۇرگىزگەن ءتيىستى زەرتتەۋ New England Journal of Medicine جۋرنالىندا جاريالانعان.

زەرتتەۋدە كورسەتىلگەندەي، كۇندەلىكتى جەيتىن ەت پەن ءتاتتى سۋسىنداردى ازايتىپ، ونىڭ ورنىنا ءداندى داقىل، كوكونىس، جەمىس- جيدەك، جاڭعاق، بالىق سەكىلدى ونىمدەردى تۇتىنۋ مەزگىلسىز ءولىم قاتەرىن ەداۋىر تومەندەتەدى.

ساراپشىلاردىڭ پايىمىنشا، جەرورتا تەڭىزدىك ديەتا مەن DASH (Dietary approaches to stop hypertension) ءتاسىلى باسقالارعا قاراعاندا اناعۇرلىم ءتيىمدى تاماقتانۋ رەجيمى.

عالىمدار 12 جىل بويى (1986-1998 -جىلدار) ەگدە جاستاعى 74 مىڭعا جۋىق ادامنىڭ تاماقتانۋ رەجيمىن باقىلاعان. كەيىن ءدال وسى توپتاعى ادامداردا كەيىنگى 12 جىلدا (1998-2010 -جىلدار) مە ز گىلسىز ءولىم قاتەرىمەن بايلانىستى فاكتورلاردىڭ تۋىنداۋىنا تالداۋ جاساعان.

ساراپتاما كورسەتكەندەي، باستاپقى 12 جىل ديەتا ساپاسىن جاقسارتقانداردا كەيىنگى 12 جىل ءولىم قاتەرى ەداۋىر تومەندەگەن. كۇندەلىكتى جەيتىن ءبىر پورتسيا ەتتى جاڭعاق نەمەسە بۇرشاق تۇقىمداستارعا الماستىرۋ ءولىم- ءجىتىم قاتەرىن 8-17 پايىزعا ازايتىپ وتىرعان.

جەرورتا تەڭىزدىك ديەتادا كوكونىس، جەمىس- جيدەك، جاڭعاق، بۇرشاق تۇقىمداستار (اسبۇرشاق، ۇرمە بۇرشاق، جاسىمىق )، تازارتىلماعان زايتۇن مايى مەن بالىق ونىمدەرى قاراستىرىلعان. بۇل ديەتا كەزىندە اس مازىرىنەن مايلى تاعامدار، اتاپ ايتساق، ءسۇت ونىمدەرى، قۇس ەتى، ەت تولىعىمەن شىعارىلادى. بۇعان قوسا، جەرورتا تەڭىزدىك ديەتانى ۇستاعاندارعا از- ازداپ شاراپ ىشۋگە دە رۇقسات ەتىلەدى.