جازىلماعان دالا زاڭى
استانا. قازاقپارات - قازاق حالقىنىڭ ۇستانعان سالت-ءداستۇرى مەن ادەت- عۇرپىنىڭ ار جاعىندا بيىك پاراسات پەن دانالىق جاتىر. ءارقاشان ۇرپاعىنىڭ تەكتىلىگىن ساقتاۋدى كوزدەگەن باتىر بابالارىمىز ونى وزدەرىنىڭ قاسيەتتى بورىشى ساناعان.
دارحان دالامىزدىڭ جازىلماعان زاڭدارىن بىلەسىز بە؟ قانداي جاعدايدا نە ىستەۋ كەرەكتىگىن بىلگەن ارتىق ەتپەيدى. ەندەشە، نە بەرۋ كەرەك، نە سۇراۋ كەرەك جانە نە تىلەۋ كەرەك ەكەنىن بىلە جۇرەيىك!
بەرۋ كەرەك: ۇلكەنگە - سالەم، قۋانتقانعا - ءسۇيىنشى، قۋانىشقا - شاشۋ، سوعىمنان - سىباعا، ەگىننەن - كەۋسەن، مالدان - كوگەندىك، بالاعا - بازارلىق، كيىمگە - بايعازى، سابيگە - كورىمدىك، توركىندەگەن قىزعا - قالاۋىن، جاڭا كورشىگە - ەرۋلىك، دوسقا - ەستەلىك، جەتىمگە - قولقايىر، مۇساپىرگە - ساداقا، بايلىقتان - شۇلەن ۇلەستىرۋ، تويعا - سياپات، جاس بوسانعان اناعا - قالجا، ساعىنعانعا - سالەمدەمە بەرەمىز.
سۇراۋ كەرەك: قۇدايدان - راقىم، پايعامباردان - شاپاعات، قىدىردان - باتا، اڭشىدان - سىرالعى، سىرقات جاننىڭ - كوڭىلىن، قارتتىڭ - قال- جاعدايىن، جەتىمنىڭ - جاي- كۇيىن، ساۋدىڭ - اماندىعىن، اعايىننىڭ - بۇتىندىگىن، ولجادان - تابارىك، قوناقتان - بۇيىمتاي سۇرايمىز.
تىلەۋ كەرەك: بارعا - تاۋبە، جوققا - سابىر، اۋىرعا - ءتوزىم، جاقسىلىققا - العىس، بولاشاققا - سەنىم، جەتىستىككە - شۇكىر، وتكەنگە - سالاۋات، قالعانعا - بەرەكە، باسقا - اماندىق، دەنگە - ساۋلىق تىلەيمىز.
